ru uz
Оёқ mepucu қизариб қолса...

Ортиқча туклардан ҳалос бўлдингиз-у, оёқ терисида қизариш пайдо бўлдими? Энди нима қилмоқчисиз? Борди-ю терингиз таъсирчан турга мансуб бўлса, ҳали замой қичиша бошлайди. Кейин эса илонизи каби чизиқлар юзага келади. Безовталикнинг олдини олиш учун қуйидаги усулларни синаб кўринг.

Муз бўлакчалари

Ортиқча тукларни тозалашни бошлашдан аввал оёқларингазни муздак сувда чайиб олинг ёки муз бўлаклари ёрдамида енгил уқаланг. Мазкур усул терининг эпителий қаватини таъсирлантиради. Бўртиб чиққан тук илдизларини осонгина тозаларкансиз терингиз шикастланмайди.

Скрабдан фойдаланинг

Бадан учун мўлжалланган скрабни оёққа суртинг-да, қоидасига кўра ишқаланг. Сўнг илиқ сувда чайиб оласиз. Терининг ўлик ҳужайралари осонгина ажралгани боис, тукларни тозалаб олиш муаммо бўлмайди. Шу билан бирга, майинлашган терида таъсирланиш ҳам келиб чиқмайди.

Дамлама тайёрлаймиз!

Мойчечак, эман пўстлоғи ёки петрушка илдизидан дамлама тайёрланг-да, оёқ терисини компресс билан сийланг. Бунинг учун докани дамламага ботириб, бир қават қилиб оёққа қўясиз. 8—10 дақиқадан сўнг докани олиб ташлаб, тери юзасини енгил уқаланг.

Ялпиз мойи

Оёқдаги тукларни тозалаб олгач, қизара бошлаётган терига ялпиз эфир мойини суртинг. Истасангиз, мунтазам фойдаланадиган кремингизга озроқ мойдан қўшиб, аралаштиринг-да, ҳар муолажадан сўнг фойдаланинг. Таъсирини сезасиз.

 

Манба:  "Суғдиёна " газетаси

Орқага Чоп этиш