Ҳомиладорликнинг иккинчи уч ойлигига келиб, токсикоз хуружлари, ҳолсизлик, иштаҳасизлик, киндик атрофи ва қовукдаги оғриқлар камаяди, ўзингизни анчайин енгил хис эта бошлайсиз. Демак, энди туғруқни осонлаштирувчи машқлар билан танишишингиз мумкин. Хўш, бадантарбия билан шуғулланамизми? Фақат келишиб олайлик, эътиборингизга ҳавола қилинаётган машқлар эсон-омон кўзингиз ёриши учун фойдали, ортиқча килограммлардан халос бўлишга эмас!
Фитнес билан шуғулланамиз!
Нима учун керак, дейсизми?
Ҳа-я, сизга манзур келадиган кичик сирни очишимиз мумкин, ҳомиладорликда жисмоний машқларни канда қилмасангиз, туғруқдан сўнг яна аввалги кўринишингизга қайтишингиз осон кечади.
Қани, бошладик!
Биринчи машғулотда оила аъзоларингиздан бири иштирок этсин, ҳарна кўмак бериб туради.
Қадамма-қадам
Стулга бир қўлингиз билан тиралиб, эҳтиёткорлик билан ўнг оёқда орқага кичик қадам ташланг, чап оёқни эса тиззага букинг. Тана оғирлигини чап оёққа 3—4 дақиқа ташлаб туринг-да, дастлабки ҳолатга қайтинг. Машқни олти-ўн марта, оёқлар ҳолатини алмаштирган тарзда такрорланг.
Мувозанат
Қўл кафти ва тиззаларни машқ гиламчасига қўйинг-да, аста ўнг қўлингизни тўғрига чўзинг. 3—4 дақиқадан сўнг, машқни чап қўлга ўтказинг. Машқ олти-саккиз марта такрорланади.
Ўтириб-туриш
Бу машкда ҳам стулдан фойдаланасиз. Икки қўлингиз билан стулни ушлаб олинг. Аста-секин танангизни пастга шундай туширингки, тиззалар 45 даража бурчакни ҳосил қилсин. Тана оғирлигини оёқлар учига ўтказиб, шу ҳолатда 3—6 дақиқа қолинг. Нафас чиқараётганда, мушакларни бўш қўйиб, ўрнингиздан туринг. Машқни олти-ўн марта бажаринг.
Чўзилиш
Бир неча қават қилиб букланган сочиқ ёки кичик кўрпачага қулай жойлашинг. Энди ўнг оёқ тиззасини букинг, чап оёқни эса бир текис қилиб чўзиб олинг. Чап оёққа, эластик тасмани кийдириб икки учини қўлларингиз билан ушланг. Машқнинг асосий қисмига етиб келдик, тасма кийдирилган оёқни, букиб яна секингина қўйиб юборинг. Машқни иккала оёкда галма-галдан беш-саккиз марта қайтаринг.
Мушукча
Тизза ва қўл кафтини полга қўйиб, бо- шингизни энгаштиринг. Нафас олганда, эҳтиёткорлик билан, умуртқани пастга эгиб, бошингизни юқорига кўтаринг. Нафас чиқараётганда, белингизни ҳолатига келтириб, бошингизни яна пастга қаратинг. Бурун орқали нафас олинг, ушбу машқни олти-етти марта такрорлаш кифоя.
Йога
Оёқларни чалиштириб ўтириб олинг. Ўзингизни бўш қўйинг, энди тос мушаклари, қорин ва белни қимирлатмаган ҳолда юқорига кўтариб туширишни машқ қилинг. Аввалига 40 фоиз кучингизни сарфланг, сўнг 60 фоизини. Тос мушаклари бошқаларидан ажралиб бораётганим сезишингиз ҳамон 100 фоиз кучингизни сарфлаб машқни давом эттиринг. 5-10 дақиқа йога машқи учун етарли бўлади.
Мумкин эмас!
Ҳомиладорлик бадантарбиясини уйингизда, яхши шамоллатилган хонада ёки ҳомиладорлар учун махсус фитнес марказларида мутахассис билан бирга бажаринг. Шифокорингиздан рухсат сўрашни унутманг. Қуйидаги ҳолатларда жисмоний машқларни бажариш қатьиян ман этилади:
Машқ бажариш жараён бошингиз айланиб, кўнглингиз беҳузур бўлса, қайд қилиш ҳолатлари кузатилса, шунинг ўзида машғулотларни тўхтатинг-да, танангизга қулоқ солинг.
Манба: "Суғдиёна " газетаси