Ҳомиладорликнинг илк кунлариданоқ аёл ўзгарувчан ҳолатда бўлади: фарзандли бўлиш бахтидан сармаст, баъзан эса миттивойнинг соғлиғидан хавотирга тушади. Навбатдаги
УТТ текширувида одатий «Ҳаммаси жойида» деган гапни эшитиш қаерда-ю, «Тўхтанг, синглим, йўлдош томирларида ўзгариш бор, бу ретроплацентар гематома», деган
мавҳум ва тушунарсиз гап эшитиш қаёқда. Мураккаб тиббий атамаларни тушуниш осонмас.
Диққат, белгилар!
Кўп ҳолларда ретроплацентар гематома ўзининг борлигини билдирмайди. Аёл ўзини яхши ҳис этади, фақатгина УТТ ёки скрининг текшируви пайтида йўлдошдаги ўзгаришлар ёки туғрукдан кейин йўлдош Текширилганда бу ҳақда билиши мумкин. Бу касаллик енгил
кечаётгани ёки кечганини англатади. Аммо баъзан аёлда қорин ости пастга тортиб оғрийди, қиндан қизғиш ёки жигарранг тусдаги ажралмалар оқади. Бундай ҳолатда тезда шифокор-гинекологга бориб, текширувдан ўтиш керак.
Наслий мойиллик борми?
Бачадонда гематома пайдо бўлиши ҳомиладор аёлни қийин вазиятга солиб қўяди. Негаки, бу ҳолатда тухум- ҳужайра бачадон деворидан кўча бошлаб, бачадон ва йўлдош орасида қон йиғилади. Айнан шу ҳолат ретроплацентар гематома, дейилади. Бу ҳодиса бачадон ва йўлдошни озиқ моддалар билан таъминлайдиган майда қон томирлар ёрилганида рўй беради. Муаммони пайдо қилувчи асосий сабаблар эса:
- наслий мойилликнинг мавжудлиги;
- жинсий яқинликдан кейинги асорат;
- кеч туғиш;
- жисмоний зўриқиш;
- гормонал бузилишлар;
- пешоб ажратиш ва жинсий йўллардаги яллиғланиш, шамоллаш ва грипп каби юқумли касалликлар;
- аёлнинг оғир токсикозни бошдан кечириши;
- қон босимининг кескин кўтарилиб-тушиши;
- кучли стресс асорати;
- қон хасталикпари;
- бачадоннинг туғма ёки орттирилган нуқсонлари.
Текширув жуда мухим!
Вазиятга аниқлик киритиш учун аёл УТТ текширувидан ўгиб, қон ва сийдик таҳлилини топшириши шарт. Шунингдек, қоннинг ивиш даражаси ҳам текширилади, қиндан
суртма олинади.
Давоси қандай?
Асли, бу ташхис қўйилгач, фарзанд кутаётган аёлда ҳомила тушиши, қон кетишининг олдини олиш учун, албатта, шифохонага ётқизилиши керак. Биринчи ўринда бу ҳолатга олиб келган вазиятлар ўрганилиб, сабаблар аниқланади. Сўнг шунга қараб, даво чоралари қўлланади. Албатта, ҳомиланинг ҳолати ҳам атрофлича текширилади. Бундай пайтда шифокор бачадон тонусини меъёрга келтириш учун аёлга қатъий ётоқ тартиби, касалликнинг кечишига қараб, буюрилган дармондорилар ва бачадон, йўлдош фаолиятинй мустаҳкамловчи воситаларни буюради.
Овқатланишда оқсилга бой маҳсулотлар, мол гўшти. ва жигари, чақ-чуқлар, қизил ва сариқ тусдаги мева-сабзавотлар, сут маҳсулотларини кўпроқ истеъмол қилиш керак.
! Ични қотирувчи хамирли таомлар, газли ичимликлар, ҳаҳва ҳамда аччиқ қора чой мумкин
Манба: "Суғдиёна " газетаси
-
Тошкент ш.,Мустакиллик к, 75
-
+998 (91) 162-13-30
-
fax
-
info@mednetsoft.uz
-
Мактуб жўнатиш шакли
-
-
Ижтимоий тармокларда бўлишиш
Умумий: 1190511Барча сахифа:6855579Ой мобайнида7196
Барча ҳуқуқлар ҳимояланган.
Сайтдаги барча маълумотлар Ўзбекистон Республикаси қонунчилиги, шунингдек муаллифлик ҳуқуқи ва бошқа қонунларга мувофиқ ҳимояланади.
Ушбу сайт Ўзбекистон Республикасининг ягона тиббий ахборот портали www.med.uz тармоғига киради.
Сайт яратувчиси: Mednetsoft