7 Апреля Всемирный день здоровья. осталось: 5 кунлари!
ru uz
Асалли сут ичишнинг 4 шарти!

Асосан нафас йўллари касалликларида тавсия қилинадиган асалли сутнинг кўплаб фойдали хусусиятлари борки, бу ичимлик билан дўстлашсангиз, соғлигингизнинг ташвншини қилмасангиз ҳам бўлади.

Терини ёшартиради!

Асал ва сут касаллик қўзғатувчи вируслар билаи курашади. Иккисининг бир пайтда қабул қилиниши организмни тетиклаштириб, иммунитетни рағбатлантиради. Кунора 1 стакан асалли сут ичишга одатлансангиз, юз терингиз қуруқлашиб қолмайди. Негаки, фойдали ичимлик тери катакларини ичкаридан озиқлантиради.

Ҳазм аъзоларида муаммо борми?

Асал меъда фаолияти учун зарур бўлган пребиотикдир. Унинг истеъмолидан сўнг ошқозон микромуҳитида фойдали бактериялар фаоллашади. Ҳазм аъзоларида муаммо бўлса, эрталаб нонушта қилишдан олдин 1 чой қошикда асални енг-да, илиқ сут ичинг.

Мадорсизман, дейсизми...

Ҳар куни эрталаб оч қоринга 1 стакан асалли сут ичинг. Сутдаги оқсил ҳамда асалдаги углевод организмингизни қувватлантириб, жисмоний фаоллигингиз ортади. Кун давомида ўзингизни тетик сезасиз.

Уйқусизликни чораси бор!

Ҳар оқшом 1 стакан иссиқ асалли сут ичинг. Асал организмни тинчлантиради, сут эса ошқозондаги оғирликни бартараф этади. Танангиздаги енгиллик сизни аста уйқуга элита бошлайди.

Асалли сут тайёрлаш учун

1 стакан сут ва 1—1,5 чой қошиқ асал керак бўлади. Ичимлик илиқ ҳолатда қабул қилинади. Ушбу усул асалга аллергияси борлар учун тавсия этилмайди.

 

Орқага Чоп этиш