Она сути чақалоқнинг соғлом ва бақувват ривожланиши учун энг муҳим бирламчи табиий озуқадир.

Диетолог, неонатолог ва педиатрларнинг оҳирги берган маълумотларига қараганда чақалоқ учун энг керакли озуқа бу – она сутидир. Она сутида чақалоқнинг биринчи 6 ойда ривожланиши учун барча керакли моддалар мужассамланган.

Табиий овқатлантириш нима?

Табиий овқатланитириш – бу гўдакни фақатгина она кўкрак сути билан озиқлантириш демакдир.

Гўдак биринчи 6 ой ривожланиш даврида она сутидан ташқари бошқа (сув, шарбат, қўшимча овқат) ҳеч қандай қўшимча озуқаларни талаб этмайди.

Чақалоқни қачон она кўкрагига қўйилади ва неча марта эмизилади?

Чақалоқни илк бор эмизиш бола туғилгандан кейинги биринчи соатдан бошланади. Кўкрак биринчи навбатда чақалоқ учун зарур бўлган барча витаминлар ва антителаларга бой оғиз сутини беради. Оғиз сути чақалоқни инфекциядан сақловчи бирламчи табиий эмлашдир.Эмизишнинг 2-3 кунларидан оғиз сути сутга айлана бошлайди.Чақалоқни истак ҳоҳишига қараб эмизинг. Чақалоқни кўкракка тез - тез қўйинг, чақалоқ қанча кўп эмса онада шунча кўп сут пайдо бўлади. Агар чақалоқни вазни 1 ойда 500 грга ошса ва кун____ давомида 6-8___ марта сийдик___ ажратса демак,__ чақалоқ етарли миқдорда она сутини эмган.

Кўкрак сути билан боқишнинг афзалликлари.

Бола учун :

Кўкрак сути керакли оқсил, углевод, ёғ, сув, витаминлар ва минерал моддаларга бой.

- Кўкрак сути бола организмида тез ҳазм бўлиб, иммунитетни оширади.

- Кўкрак сути билан боқилган болалар камроқ шамоллашади, қулоқ инфекция

лари ва ошқозон, ичак бузилиш

лари ҳамда аллергия касалликларига камроқ чалинишади.

- Кўкрак сути билан боқилган болалар она меҳрига тўйиб улғаядилар.

Она учун :

- Болажонига яқинлиги.

- Бола туғилгандан дарҳол кўкракка қўйиш, бачадонни тез қисқаришига олиб келади, ўз вақтида йўлдош кўчади ва қон кетишини олдини олади.

- Болани кўкрак сути билан эмизган аёлларда камқонлик, остеопороз, кўкрак бези ва тухумдонлар саратони кам учрайди.

Бола эмизадиган аёл қандай овқатланиши керак.

Аҳоли ўртасида эмизикли аёлларга алоҳида озиқ-овқат моддалари керак деган миш-мишлар юради.

Аслида сизнинг организмингиз оддий (нон, картошка, сабзи, олма) озиқ - овқат маҳсулотлар истеъмолидан таркибида етарли озуқаларга бой сут ишлаб чиқаради. Асосийси озиқ - овқат турли хил бўлиши лозим. Иложи борича табиий овқатланиш таркибга гўшт, балиқ, дуккакликлар, сабзавот ва мевалар, сут ва сут маҳсулотларини киритиш керак. Барча таомларни истеъмол қилиш мумкин агарда ўзингизда ва боланинг отасида бирор - бир маҳсулотга аллергияси бўлмаса (бу холга эътиборсизлигингиз болангизда бирор - бир маҳсулотга сезгирлик пайдо қилиши мумкин).

Нима учун онанинг сути йўқолади ва ушбу ҳолатда нима қилиш керак?

Аслида она сутини йўқолиш ҳолати она боласини тўйиб, мириқиб эмишига йўл қўймаслигидан, тез – тез эмизиш ўрнига жуда кам эмизадан ёки болам тўймаяпти, сутимни таркиби ёмон деган хулосаларга келиб, қўшимча овқат бера бошлашидан келиб чиқади. Қўшимча овқатга ўрганган бола эса онани камроқ эмади. Бола кам эмган сари онада сут ишлаб чиқиши камаяди. Шунинг учун сутим кам деб ҳавотирга тушсангиз болани тез – тез эмизишга ҳаракат қилинг (бир кунда 10-12 марта). Эътиборли бўлинг бола кўкракка тўғри қўйилганми. Қилган ишларингизни натижаси 4-7 кундан сўнг билиниши мумкин.

Кесир кесиш йўли билан олинган болани эмизиш мумкинми?

Мумкин.Фақатгина сут бироз кечикиб келиши мумкин. Сиз болани эмизаётганингизда ўрта тиббиёт ходимларини ёрдами керак бўлади. асосийси болани эмизиш учун қулай ҳолатни танлаш лозим. Бола эмишга қийналмасин ва онасига ҳам азоб етказмасин.

Кўкрак билан эмизишни тўғри усуллари?

1. Ўзингизга қулай бўлган ҳолатни танланг: ётиб ёки ўтириб. Болани кўкракка қўйишда боши ва танаси бир хил чизиқда бўлсин.Болани юзи она кўкрагига қараган бўлсин; Бурни эса кўкрак тугмачасини қарама-қарши томонида бўлсин.
2. Бола эмаётганда она кўкрагини қўлларини тўртта панжаси билан кўтариб туриши мумкин. Бош бармоғи кўкрак устида туради.
3. Кўкрак тугмачасини бола лабига текказинг. Бола оғзини катта очганда кўкрагингизни болани оғзига яшилаб киритиб эмишига ёрдамлашинг.
4. Агарда бола кўкракка тўғри қўйилган бўлса, укўкрак тугмачасидан ташқари жойларни ҳам яхшилаб оғзига солиб, эма бошлайди.

Бунда :

- Болани ияги она кўкрагига тегиб туради.

- Оғзи катта очилган бўлади.

- Пастки лаблари

ташқарига қайрилган бўлади.

- Кўкрак ареолаларини юқори лаб остида кўриш мумкин.

- Она эмизаётганда

ҳеч қандай нохуш ҳолатларни сезмаслиги лозим.

Агарда ўзингизда оғриқ ёки эмизишни тўхтатишингиз керак бўлса, охирги бармоғингизни болани оғиз бўшлиғини бурчагидан боссангиз қаноатланган ва уйқуга чўмилган бола кўкракни секин қўйиб юборади.