27.07.2016

Соғлом фарзанд – юрт бойлиги

Фарғона вилояти она ва бола скрининг маркази аҳоли саломатлигини муҳофазалаш ишларига муносиб ҳисса қўшаётган тиббиёт муассасаларидан.

Ирсий ва туғма хасталикларни эрта аниқлаш, туғма ногиронликнинг олдини олиш мақсадида марказда жорий йилнинг олти ойи давомида 41 минг 500 дан зиёд ҳомиладор аёл скрининг текширувидан ўтказилди.

– Ҳомиладор аёлларни скрининг текширувига жалб этиш соғлом фарзандни дунёга келтиришда муҳим аҳамият касб этади, – дейди марказ раҳбари Манзура Салимова. – Соғлом она ва бола йилида марказимизга тақдим этилган “Philips Clear Vue 550” русумли рақамлаштирилган ультратовуш аппарати тиббий кўриклар сифатини янада ошириш имконини берди.

Манба: uza.uz