Мазкур шифо маскани таркибида 100 қатновга мўлжалланган маслаҳат поликлиникаси ва 20 га яқин бўлим мавжуд. Шунингдек, бу ерда клиник, биохимик, бактериологик текширувлар ўтказиш имконияти яратилган. Диагностика ва даволаш амалиёти илғор тиббий технологиялар асосида олиб борилади. Марказда 67 нафар шифокор ва 185 ҳамшира меҳнат қилмоқда. Уларни педиатрия соҳасидаги янги даволаш усуллари билан мунтазам таништириб бориш тадбирларига алоҳида эътибор қаратилади.

Манба: uza.uz