O‘zbekiston Mehnat va aholini ijtimoiy muhofaza qilish vazirligi hamda nogironlarning jamoat tashkilotlari Nogironlik masalalari bo‘yicha maslahat kengashini tashkil etish bo‘yicha bitimni ishlab chiqishga kirishdi. Bu haqda, vazirlik axborot xizmatiga asoslanib, “Gazeta.uz” xabar bermoqda.

Kengash oldiga qo‘shma tadbirlar, maslahatlashuvlar va muzokaralar o‘tkazish, qo‘shma loyihalar va rejalarni ishlab chiqish va amalga oshirish, o‘zaro qo‘llab-quvvatlash va axborot almashish, shuningdek, bandlik va aholini ijtimoiy muhofaza qilish sohasidagi normativ-huquqiy hujjatlar va ijtimoiy-iqtisodiy dasturlarni ishlab chiqish va amalga oshirishda nogironlarning jamoat tashkilotlari ishtirokini ta’minlash kabi vazifalar qo‘yilgan.

Mehnat va aholini ijtimoiy muhofaza qilish vazirligi nogironlarning tashkilotlarini maslahat kengashida va bitimni ishlab chiqishda qatnashishga chaqirib qoladi.

Murojaat uchun telefon: 239-41-30.

E-mail: nogironmaslahat@umail.uz.

Манба: daryo.uz