Тадбиркорлар ва ишбилармонлар ҳаракати – Ўзбекистон Либерал-демократик партиясининг Олмазор тумани кенгаши билан ҳамкорликда ташкил этилган мазкур акция доирасида хотин-қизлар, алоҳида эҳтиёжли оилаларнинг фарзандлари чуқурлаштирилган тиббий кўрикдан ўтказилди.

Президентимиз Ислом Каримов раҳнамолигида оила, оналик ва болалик манфаатларини таъминлаш, аҳоли саломатлигига ғамхўрликни кучайтириш, айниқса, эҳтиёжманд оилаларни ижтимоий ҳимоялаш масалаларига давлат сиёсатининг устувор йўналишларидан бири сифатида эътибор қаратилмоқда.

Давлатимиз раҳбарининг 2014 йил 1 августдаги “2014-2018 йилларда Ўзбекистонда аҳолининг репродуктив саломатлигини янада мустаҳкамлаш, оналар, болалар ва ўсмирлар соғлиғини муҳофаза қилиш борасидаги Давлат дастури тўғрисида”ги қарорида фарзанд кўриш ёшидаги аёлларда репродуктив саломатлик профилактикаси, болалар хасталиклари диагностикаси борасида қатор муҳим вазифалар белгиланган.

Ўзбекистон Хотин-қизлар қўмитаси томонидан маҳаллаларда жорий этилган “Оилага кириш” ҳамда “Саломатлик” жамоат тузилмаларининг оилавий поликлиникалар, қишлоқ врачлик пунктлари шифокорлари билан ҳамкорликда аёллар саломатлигини доимий назорат этиш, турли касалликлар профилактикасини кучайтириш, соғлом ва баркамол авлодни тарбиялаш борасида изчил ишлар амалга оширилмоқда.

Олмазор туманидаги “Ғунчамед” тиббий диагностика марказида ташкил этилган хайрия акциясида аёллар, қизлар, гўдаклар тиббиётнинг турли йўналишлари бўйича юқори технологияли тиббий кўрикдан ўтказилиб, зарур ҳолларда уларга шифокорларнинг маслаҳати ва муолажаси тайинланди.

Акция доирасида алоҳида эҳтиёжли оилалар вакилларига пойтахтимиздаги етакчи тиббиёт марказлари, клиникаларда имтиёзли даволаниш учун йўлланма берилди.

Тадбирда Ўзбекистон Республикаси Бош вазирининг ўринбосари, Республика Хотин-қизлар қўмитаси раиси Э.Боситхонова сўзга чиқди.

Источник:www.uza.uz