“Чимён”- cувлари шифобахш санатория
Мамлакатимизда ҳар бир ҳудуднинг иқлимий шароитларини ҳисобга олиб, дам олиш жойларини яратишга катта эътибор қаратилмоқда.
Фарғона туманида жойлашган Ўзбекистон касаба уюшмалари курортларни бошқариш Федерациясининг “Чимён” санаториясида яхши дам олиш ва мижозларнинг саломатлигини тиклаш бўйича барча имкониятлар мавжуд.
- Ҳукуматимиз раҳбари бошчилигида аҳолининг саломатлигини муҳофазалашга катта эътибор қаратилган,-дейди санатория бош врачи Каримжон Рахмонов.
– Бизнинг соғломлаштириш муассасасамизда минерал сув ёрдамида юрак-қон томир,неврология, ошқазон-ичак урологияси, гинекологик ва тери касалликлари даъволанади. Мижозларни даъволашда хом ва минерал сувлар бальнеологик услубда қўлланилади. Аксарият мижозлар ушбу услубдан даъво топдилар. Шунинг учун ҳам ҳар йили минглаб мижозлар бизининг санаториямизга ташриф буюрадилар.
-Ҳар йили ушбу санаторияда даъволанишга келаман,- дейди Иштихон туманидан келган Камолиддин Юсупов – Менга айниқса шифобахш сув ва ушбу даволаш масканининг ажойиб табиати ёқади. Бундан ташқари санаторияда дам олиш учун барча шароитлар муҳайё қилинган.
Охирги йилларда санаториянинг 4 биносида капитал таъмирлаш ишлари олиб борилиб, санаториянинг бошқа биноларида ҳозир ҳам ушбу ишлари давом этоқда. Барча бўлимлар замонавий тиббий ускуналар билан жиҳозланган. Санатория мижозлари турли шифобахш ўсимликлар билан даъволанадилар ва даъволаш маскани тасаруффидаги маданият саройлари, спорт майдонлари, кутубхона, чойхона ва фитобарлар ҳам мижозларни мароқли вақт ўтказишлари учун хизмат қилади. Бир сўз билан дам олувчилар саломатлигини мустаҳкамлаш ва уларни дам олиш вақтларини мароқли ўтказиш –санатория жамоасининг асосий мақсадидир.
Манба: uza.uz