Илмий-амалий конференция
Андижонда “Гепотология ва юқумли ОИВ: долзарб муаммолар” мавзусида Республика илмий-амалий конференцияси бўлиб ўтди.
Президент Ислом Каримов раҳномолигида мамлакатимизда аҳоли саломатлигини сақлаш, тиббий хизмат кўрсатиш даражасини ошириш, тиббий муассасаларнинг моддий-техник базасини мустаҳкамлаш, соҳада фаолият олиб бораётган ходимларнинг касбий маҳоратларини ошириш бўйича кенг кўламли ишлар олиб борилмоқда.
Хориж мамлакатларида бир қанча мутахассислар иштирок этган ушбу тадбирда ОИТС ва юқумли гипатетнинг тарқалишини олдини олиш, касалликларга ўз вақтида аниқ ташҳис қўйиш,даволашнинг илғор услублари ва тажрибаларини қўллаш, мавжуд муаммоларни бартараф этиш ва аҳолининг тиббий маданиятини ошириш масалаларига эътибор қаратилди.
-Тадбир мутахассисларга ўзаро тажриба алмашиш имкониятини беради,-дейди Андижон Давлат тиббиёт институти ректори Алишер Шодомонов.-хориж мутахассислари ва бизнинг олимларимиз билан ўзаро алоқани мустаҳкамлаш соҳани ривожлантиришда муҳим аҳамият касб этади.
- Ўзбекистонда соғлиқни сақлаш тизимини ривожлантиришга катта эътибор қаратилмоқда,-дейди Минскдаги давлат тиббиёт академияси профессори Юрий Мараховский. Юқумли касалликлар профилактикаси бўйича олиб борилаётган ишлар, бу каби касалликларни даволашда, фаннинг илғор ва янги ғояларидан фойдаланиш, Ўзбекистонда тиббий соҳада юқори илмий салоҳият мавжудлигидан далолат беради.
Тадбирда касалликларнинг диагностикаси, профилактикаси ва уни самарали даволашда ўз вақтида ташкиллаштирилиши зарур бўлган тадбирлар ҳақида фикрлар алмашинилди.
Манба: uza.uz