08.09.2011

О'ZBEKISTON RESPUBLIKASI SOG'LIQNI SAQLASH VAZIRLIGI

BUYRUQ

2011 йил « 28 » февраль № 60                                                                                                                      Тошкент ш.

Ўзбекистон Республикаси Вазирлар Маҳкамасининг 2009 йил 11 февралдаги “Касб-ҳунар коллежлари ўқувчиларининг ишлаб чиқариш амалиётини ташкил этиш ва ўтказишни такомиллаштириш тўғрисида”ги 40-сонли қарорининг ижросини таъминлаш, тиббиёт коллеж ўқувчиларининг ишлаб чиқариш ва дипломолди амалиётини ўтиш жараёнида даволаш-профилактика муассасалари билан ўзаро хамкорлик тизимини такомиллаштириш мақсадида,

1.«Даволаш-профилактика муассасаларида тиббиёт коллежлари ўқувчиларининг ишлаб чиқариш ва дипломолди амалиётини ташкил этиш ва ўтказиш тўғрисида»ги Низоми 1- иловага;

«Тиббиёт коллежлари ўқувчиларининг ишлаб чиқариш ва дипломолди амалиётини ташкил этиш ва ўтказишни ташкил этиш бўйича тиббиёт муассасалари билан тузиладиган шартнома намунаси” 2-иловага;

Ўқувчиларнинг амалиёт кундалигининг намунаси 3-иловага;

Ўқувчиларнинг ўқув ишлаб чиқариш ва дипломолди амалиёти тавсифномаси ҳамда ишлаб чиқариш амалиёти якуни бўйича ҳисобот шакли намуналари 4-иловага асосан тасдиқлансин.

2. Қорақалпоғистон Республикаси Соғлиқни сақлаш вазири, Тошкент шаҳар соғлиқни сақлаш Бош бошқармаси бошлиғи, вилоят соғлиқни сақлаш бошқарма бошлиқлари ҳамда вазирлик тасарруфидаги даволаш-профилактика ва тиббиёт муассасалари раҳбарларига:

2.1.Муассасаларда ўқув амалиёти, ишлаб чиқариш ва дипломолди амалиётини ташкил этиш сифатини талаб даражасида таъминлаш бўйича тиббиёт коллежлари билан хамкорлик ишлари ташкил этилсин.

2.2. Ўқувчиларни ишлаб чиқариш амалиёти даврида тренинг хоналарини зарур материаллар, асбоб-ускуналар, тиббий ҳужжатлар билан ўз вақтида таъминлаш ва ўқувчиларнинг янги технологияларни ўзлаштириши учун зарур шарт-шароитлар яратилсин.

2.3.Ўқувчиларга ишлаб чиқариш амалиётига умумий ва бевосита раҳбарлик ташкил этилиб, мунтазам равишда амалиёт даврида ўқувчилар билан соғлиқни сақлаш тизимида олиб борилаётган ислоҳатлар бўйича суҳбат ва учрашувлар уюштирилсин ҳамда амалиёт жараёни назоратга олинсин.

2.4. Муассасаларда тиббиёт коллежи ўқувчиларига сифатли амалиёт машғулотларини ташкил этиш мақсадида “Устоз-шогирд” анъаналари жорий этилиб, тажрибали ҳамширалар ўқувчиларга бириктирилсин.

2.5. Ишлаб чиқариш ва дипломолди амалиёти якуни бўйича ҳар бир ўқувчига бажарган ишларнинг сифатини, эришган натижаларини, ишга муносабатини эътиборга олган холда, ишлаб чиқариш тавсифномаси берилсин.

3.Ушбу буйруқнинг ижросини назорат қилишни вазирнинг биринчи ўринбосари А.В.Алимов зиммасига юклатилсин.

Вазир А.И.Икрамов

Ўзбекистон Республикаси

Соғлиқни сақлаш вазирлигининг

2011 йил “ 28 ” февралдаги

60 - сонли буйруғига

3- илова

Ўзбекистон Республикаси Соғлиқни сақлаш вазирлиги

(Тиббиёт коллежининг номи)

ЎҚУВЧИНИНГ АМАЛИЁТ КУНДАЛИГИ

Тошкент

Амалиёт ўтувчи ўқувчининг вазифалари.

· Амалиёт ўтаётган муассаса ёки ташкилотнинг ички тартиб қоидаларига риоя қилиш;

· Меҳнатни муҳофаза қилиш, ҳавфсизлик техникаси ва ДПМ санитария қоидаларини ўрганиш ҳамда уларга қаътий риоя қилиш;

· Амалиёт ўтаётган даврда муассаса ёки ташкилотнинг жамоат ишлари ва маданий – оммавий хаётида иштирок этиш;

· Дастур асосида амалий, малакавий кўникмаларни ўзлаштириш;

· Бажарган муолажалари ва ишлари, беморни кузатишлари ҳамда олинган маълумотлар асосида кундалик ёзиб бориш;

· Ҳамшира кузатув кундалигини юритиш ва ҳамшира ёзувларини олиб бориш;

· Амалиёт якунида хисобот ёзиш ва даволаш-профилактика муассасасидан тавсифнома олиб расмийлаштириш.

Амалиёт ўтувчи ўқувчида бўладиган хужжатлар.

· Ишлаб чиқариш амалиёти дастури;

· Амалий кўникмалар рўйхати;

· Мустақил ишлар рўйхати;

· Амалиёт ўтиш жадвали;

· Амалиётда бажарилиши лозим бўлган амалий муолажалар ва харакат

кўникмалари рўйхати;

· Кундалик дафтар;

· Тавсифнома;

· Амалиёт якуни бўйича ёзма хисобот.

Кундалик ёзувлар варағи

Ёзув санаси Сана Ой Йил ( ) №-

Мақсад:

Амалиёт вазифалари:

Амалиёт режаси, режанинг бажарилиши ва олинган билим (бугунги амалиёт вазифалари билан солиштирилади).

Амалиёт бўйича фикрлар ва эртанги вазифалар (эркин тарзда баён қилинади).

Бемор ҳақидаги маълумотлар варақаси

Қайд қилиш санаси кун ой йил

Беморнинг исми ва шарифи		Ёши Жинси эркак аёл	Касалхонага ётқизиш санаси (кун, ой, йил)
Ташхис	Асосий шикоятлар
Анамнез	Мойиллик, юқумли касалликлар, бошқа муҳим маълумотлар
Оила таркиби ва тарихи	Боғланувчи шахс
	Қўшимча маълумотлар

Муаммолар рўйхати:

Муаммо № (муҳимлик тартиби)	Парвариш бўйича муаммолар	Муаммони аниқлаш санаси	Ўзгартириш ёки ечиш санаси

14 та эҳтиёж бўйича муаммолар йиғилади.

Маълумот йиғиш тизими: 1. Нафас олиш. 2. Овқатланиш. 3. Физиологик чиқарувлар. 4. Актив харакатланиш. 5. Уйқу-дам олиш. 6. Кийиниш. 7. Тана ҳарорати. 8. Тозалик. 9. Хавфсизлик. 10. Мулоқот. 11. Ишонч. 12. Иш. 13. Қизиқиши. 14. Олган билимлари.

Парвариш режаси

Парвариш муаммолари:
Узоқ муддатли вазифалар: Яқин муддатли вазифалар:
Режа
КР (кузатиш режаси)	ПP (парвариш режаси)	ЎP (ўқитиш режаси)

Парвариш режасини амалга ошириш ва баҳолаш

Парвариш режаси	Амалга ошириш	Баҳолаш
Кузатиш режаси:
Парвариш режаси:
Ўқитиш режаси:

Ўзбекистон Республикаси

Соғлиқни сақлаш вазирлигининг

2011 йил “ 28 ” февралдаги

60 - сонли буйруғига

4 - илова

ЎҚУВ ИШЛАБ ЧИҚАРИШВАДИПЛОМ ОЛДИ АМАЛИЁТИ

ТАВСИФНОМАСИ

__________________________________________________________

(тиббиёт коллежи номи)

__________________________бўлим____________курс_______________гуруҳ

ўқувчиси___________________________________________________________________________

(фамилияси, исми, шарифи)

1. Амалиёт муддати _________________________________________________________________

2. Амалиётнинг бевосита рахбари______________________________________________________

3. Амалиёт вақтида қолдирган ва қайта ишлаган кунлар___________________________________

а)_______________________________________________________________________________

б)_______________________________________________________________________________

4. Амалиётчининг ишга тавсифнома____________________________________________________

5. Жамоат ишларидаги иштироки______________________________________________________

6. Тайёрланган маъруза матинлари_____________________________________________________

7. Ўқувчининг амалиётдаги камчиликлари______________________________________________

___________________________________________________________________________________

8. Амалиётчининг интизоми__________________________________________________________

9. Амалиётга қўйилган баҳо__________________________________________________________

Муассаса раҳбари:___________________

(имзо)

М.Ў.

Бевосита раҳбар:____________________

(имзо)

«_____»________________20____йил

Ўқувчининг ўқув ишлаб чиқариш амалиёти якуни бўйича ҳисоботи

____________________________бўлим________________курс_____________гуруҳ

Ўқувчи фамиляси, исми, шарифи______________________________________________________

Амалиёт тури: ______________________________________________________________________

Амалиёт муддати:___________________________________________________________________

Дастур бўйича:_____________________________________________________________________

Амалиёт вақтида бажариладиган муожлажа ва кўникмалар сони:

Режа бўйича:___________________Бажарилди:___________________________

(сони) (сони)

Ўқувчи томонидан ўзлаштиришга имкон бўлмаган муолажа ва кўникмалар:_________________

______________________________________________________________________________________________________________________________________________________________________

Ўқувчи томонидан олиб борилган санитария – маориф, тарғибот ишлари:____________________

______________________________________________________________________________________________________________________________________________________________________

Ўқувчининг бевосита раҳбар фаолиятига фикри:_________________________________________

______________________________________________________________________________________________________________________________________________________________________

Ўқувчининг услубий раҳбар фаолиятига фикри:__________________________________________

______________________________________________________________________________________________________________________________________________________________________

Ўқувчининг ДПМ да амалиёт учун яратилган шароитлар ҳақида фикри:______________________

______________________________________________________________________________________________________________________________________________________________________

Ўқувчининг амалиётини такоминлаштириш бўйича таклифи:_______________________________

______________________________________________________________________________________________________________________________________________________________________

Ўқувчи:_________________________

(имзо)

«_____»________________20____йил

Тиббиёт коллежлари ўқувчилари учун ишлаб чиқариш ва дипломолди

амалиёти бўйича маълумот

Сана	Бажарилган иш мазмуни (Ўтказилган муолажа, бемор парвариши ва бошқалар)	Ҳисобот	Бевосита рахбар имзоси	Услубий рахбар имзоси	Изоҳ

Якуний ҳисобот

№	Бажарилган муолажалар рўйхати	Сони	Изоҳ

Умумий рахбар имзоси

Услубий раҳбар имзоси

Ўзбекистон Республикаси

Соғлиқни сақлаш вазирлигининг

2011 йил “28 ”февралдаги

60 - сонли буйруғига

1- илова

Даволаш-профилактика муассасаларида тиббиёт коллежлари ўқувчиларининг ишлаб чиқариш ва дипломолди амалиётини ташкил этиш ва ўтказиш тўғрисидаги

НИЗОМИ

I. Умумий қоидалар

1. Ушбу Низом тиббиёт коллежлари ўқувчилари учун даволаш-профилактика муассасалари, тиббиёт муассасалари ва ташкилотларида ишлаб чиқариш амалиётини ўташ тартибини белгилайди.

2. Тиббиёт коллежлари ўқувчиларининг (кейинги ўринларда ўқувчилар деб аталади) даволаш-профилактика муассасалари, тиббиёт муассасалар ва ташкилотларда ишлаб чиқариш амалиётини ўташи ўрта махсус, касб-ҳунар таълими асосий таълим дастурининг таркибий қисми ҳисобланади.

3. Назарий таълим бериш жараёнида ўқувчиларнинг олинган билимларни мустаҳкамлаш ва чуқурлаштириш, олинадиган мутахассислик бўйича зарур лаёқатга, кўникмаларга ва амалий иш тажрибасига эга бўлиш ишлаб чиқариш амалиётининг мақсади ҳисобланади.

4. Ўқув амалиёт машғулотлари ва ишлаб чиқариш амалиёти ўқувчиларни меҳнат фаолиятига тайёрлаш шаклларидан бири ҳисобланади ҳамда уларни ишлаб чиқариш шароитларида олинган касб-ҳунар бўйича кўникмалари ва билимларини мустақил равишда қўллашга, ўқув дастурларида назарда тутилган ишларни сифатли ва унумли бажаришга ўргатишни вазифа қилиб қўяди.

5. Ўқувчиларнинг даволаш-профилактика муассасалари, тиббиёт муассасалар ва ташкилотлардаги ишлаб чиқариш амалиёти Ўзбекистон Республикаси Олий ва ўрта махсус таълим вазирлиги томонидан тасдиқланадиган ўрта махсус, касб-ҳунар таълимининг тармоқ таълим стандартига мувофиқ амалга оширилади.

6. Ишлаб чиқариш амалиёти ўқувчиларнинг тиббиёт коллежи балан тиббиёт муассасаси ўртасидаги шартнома асосида ишлаб чиқариш ёки техник жараёнда мунтазам ва бевосита қатнашиши йўли билан ўтказилади.

7. Тиббиёт коллежи тармоқ ихтисослашувидан келиб чиққан ҳолда тегишли тиббиёт муассасалар билан ўзаро ҳамкорлик қилади ҳамда ўқувчиларнинг ишлаб чиқариш амалиётини ташкил этади.

II. Тиббиёт коллежларининг даволаш-профилактика муассасалари, тиббиёт муассасалар ва ташкилотларда ишлаб чиқариш амалиётини ўтказишдаги фаолияти

8. Тиббиёт коллежлари ишлаб чиқариш амалиётини сифатли ташкил этиш ва муваффақиятли ўтказиш учун ўқув дастурларига мувофиқ ўқувчиларни олдиндан назарий жиҳатдан тайёрлашни таъминлайдилар, ўқувчиларга техника хавфсизлиги, меҳнатни муҳофаза қилиш ва ёнғин хавфсизлиги қоидаларнинг пухта ўрганилишини ташкил қиладилар.

9. Тиббиёт коллежлари ишлаб чиқариш амалиёти бошланишидан олдин тиббиёт муассасалар билан уларнинг базасида ишлаб чиқариш амалиётини ўтказиш тўғрисида шартнома тузадилар.

10. Шартномада мутахассислик йўналиши бўйича ўқувчилар сони, ўқув машғулотлари ҳамда ишлаб чиқариш амалиётини ўтказиш муддатлари ва ҳар бир ўқувчининг ишлаб чиқариш амалиёти дастурида назарда тутилган барча иш турларини мустақил равишда бажаришга ўрганиши учун ўқувчиларнинг ишлаб чиқариш ёки техник фаолиятнинг бир туридан бошқасига ўтиш жадвали белгиланади.

11. Тиббиёт коллежи ишлаб чиқариш амалиёти вақтида:

Ўқувчиларнинг тиббиёт муассасаларидаги барча тиббий асбоб-ускуналарига, жиҳозларга, мосламаларга ва бошқа тиббиёт анжомларига эҳтиёткорлик билан муносабатда бўлишини;

хом ашё, материаллар ва электр энергиясининг тежамли сарфланишини;

ўқувчилар тиббиёт муассасаларининг тегишли маъмурий ва тиббий ходимлар кўрсатмалари ва фармойишлари бажарилишини таъминлаши шарт.

12. Тиббиёт коллежи:

Услубий, умумий ва бевосита раҳбарларига амалиёт ўтказиладиган жойларга юборишда хизмат сафари ҳаражатларининг амалдаги қонун ҳужжатларида белгиланган тартибда тўланишини;

ўқувчиларнинг ишлаб чиқариш амалиётини ўтказиш режаларида назарда тутилган экскурсияларини ташкил этиш бўйича ҳаражатларнинг тўланишини таъминлайди.

13. Тиббиёт коллежи ишлаб чиқариш амалиётига услубий раҳбарликни, ўқув дастурларида назарда тутилган тадбирларнинг ўз вақтида бажарилишини, шунингдек кўрсатиб ўтилган тадбирларнинг ўқувчилар томонидан бажарилишини текширишни амалга оширади.

14. Тиббиёт муассасалари ишлаб чиқариш амалиёти даврида қуйидагиларга мажбур:

ўқувчилар учун хавфсиз меҳнат шароитларини яратиш ва улардан олинадиган мутахассислик билан боғлиқ бўлмаган, шунингдек зарарли меҳнат шароитларида фойдаланишга йўл қўймаслик;

ўқувчиларни ишлаб чиқариш бинолари, тренинг кабинетлари, зарур материаллар, асбоб-ускуналар, тиббий ҳужжатлар билан ўз вақтида таъминлаш ва ўқувчиларнинг янги технологияларни ўзлаштириши учун зарур шарт-шароитлар яратиш;

ўқувчиларга йўл-йўриқлар бериш, ишлаб чиқариш амалиётига умумий ва бевосита раҳбарликни ташкил этиш, тиббиёт коллежининг педагог ходимларига ўқув машғулотларини ҳамда ишлаб чиқариш амалиётини ўтказишда ёрдам кўрсатиш учун шарт-шароитлар яратиш;

ўқувчилар бажарган амалиётларни белгиланган тартибда назорат қилиш;

ишлаб чиқариш амалиёти тугагач ҳар бир ўқувчига унинг ишлари сифатини, эришган натижаларини, ишга муносабатини эътиборга олган холда, ишлаб чиқариш тавсифномаси бериш.

III. Ишлаб чиқариш амалиётини ўтказиш босқичлари.

15. Назарий жиҳатдан ўқитиш, ўрганилаётган мутахассислик бўйича зарур лаёқатни, кўникмаларни ва амалий иш тажрибани эгаллаш жараёнида ўқувчилар олган билимларни мустаҳкамлаш ва чуқурлаштириш мақсадида:

Тиббиёт коллежи бўйича бошланғич лаёқат ва кўникмаларни олиш бўйича ўқув-амалиёти;

мутахассислик соҳаси бўйича-ишлаб чиқариш амалиёти;

давлат ихтисос имтихонидан олдинги ишлаб чиқариш амалиёти ўтказилади.

16. Ўқув амалиёти ўқувчиларни касб бўйича умумий ва махсус фанларни онгли ва пухта ўрганишга тайёрлаш, уларнинг танланган мутахассислик бўйича амалий касб лаёқати ва кўникмаларини эгаллаши учун ўтказилади.

17. Ишлаб чиқриш амалиёти корхона, муассаса, ташкилот фаолиятини ўрганиш ва бошланғич амалий тажрибага эга бўлиш асосида махсус фанларни ўрганишда олинган билимлар ва амалий кўникмаларини мустаҳкамлашга, кенгайтиришга, чуқурлаштиришга йўналтирилган.

18.Ўқувчиларнинг давлат имтихонидан олдинги амалиёти ўқитишнинг якунловчи босқичи ҳисобланади ва уларнинг бошланғич касб тажрибасига ва малакага эга бўлиши, ўқувчиларнинг мустақил равишдаги меҳнат фаолиятига касб бўйича тайёрлигини текшириш мақсадида синов ўтказилади.

IV. Ишлаб чиқариш ва дипломолди амалиётини ташкил қилиш,

олиб бориш ва ҳужжатларини юритиш.

20. Амалиётни ташкил этиш унинг барча босқичларида:

олинадиган мутахассислик ва бериладиган малакага мувофиқ ўқувчиларни тайёрлашнинг зарур ва етарли даражасига бўлган талабларнинг бажарилишига;

ўқувчилар томонидан ишлаб чиқариш амалиёти ўқув дастурларга мувофиқ касб фаолияти кўникмаларини эгаллашнинг узлуксизлиги ва изчиллигига йўналтирилган.

21. Ишлаб чиқариш амалиёти барча босқичларининг мазмуни ўрта махсус, касб-ҳунар таълимининг тармоқ таълим стандартларига мувофиқ ишлаб чиқариш амалиётининг намунавий дастурида белгиланади.

22. Ўқув амалиёти клиникагача бўлган ўқув ва махсус тренинг хоналарда, тиббиёт муассасаларда ўтказилади.

23. Ўқув амалиёт махсус фан ўқитувчилари томонидан ўтказилади. Ўқув амалиётлари рўйҳати тиббиёт коллежи томонидан белгиланади.

24. Ишлаб чиқариш амалиёти:

ўқувчиларнинг ишлаб чиқариш амалиёти дастур талаблари доирасида белгиланган бўлиб, амалий малакавий кўникмаларни шакллантириш, такомиллаштириш фаолиятини белгилайди.

25. Ишлаб чиқариш амалиётини ўтказиш муддатлари тиббиёт коллежи томонидан, ўқувчиларнинг назарий жиҳатдан тайёрланганлигини тиббиёт муассасаларнинг имкониятларини ҳисобга олган ҳолда белгиланади.

26. Ишлаб чиқариш амалиёти узлуксиз циклда, шунингдек амалиёт мазмуни билан назарий ўқитиш ўртасида алоқа таъминланган тақдирда кунлар ҳафталар бўйича назарий машғулотлар билан навбатма-навбат ўтказиш орқали амалга оширилиши мумкин.

27. Ишлаб чиқариш амалиётини ўтказиш учун жойлар тиббиёт коллежлари билан тиббиёт муассасалар ўртасида тузиладиган шартномалар асосида белгиланади.

28. Коллеж ўқувчилари тиббиёт муассасаларда ишлаб чиқариш амалиётини ўташда қуйидагиларга мажбур:

ишлаб чиқариш амалиёти дастурида назарда тутилган топшириқларни тўлиқ бажариш;

Тиббиёт муассаси ёки ташкилотнинг ички мехнат тартиби қоидаларига риоя қилиш;

техника хавфсизлиги, мехнатни муҳофаза қилиш ва ёнғин хавфсизлиги қоидаларини ўрганиш ва уларга қатъий риоя қилиш.

Ўқувчилар ишлаб чиқариш ва диплом олди амалиёти кундалиги олиб борадилар.

30. Баҳо ва (ёки) синов ишлаб чиқариш амалиёти ҳар бир босқичининг натижаси ҳисобланади.

31. Ишлаб чиқариш амалиётининг тиббиёт коллежидаги раҳбарлари:

Тиббиёт муассасалари билан биргаликда ишлаб чиқариш амалиётини ташкил этиш буйича хамкорлик дастурини тузадилар;

якка тартибдаги топшириқлар (бемор ҳақидаги маълумотлар, муаммоларни аниқлаш, парвариш режасини тузиш ва уни амалга ошириш ҳамда бемор холатларини баҳолаш ва бошқалар) мавзусини ишлаб чиқадилар.

амалиёт даврида ўқувчилар меҳнатидан максадли фойдаланилишини назорат қиладилар;

ўқувчилар томонидан якка тартибдаги топшириқларни бажаришда ва дастур талабларини бажарида услубий ёрдам кўрсатадилар;

ўқувчилар томонидан ишлаб чиқариш амалиёти дастурининг бажарилиши натижаларини баҳолайдилар.

Ўқувчилар ишлаб чиқариш ва дипломолди амалиёти кундалигини назорат килиб, расмийлаштирадалар (бемор ҳақидаги маълумотлар, муаммоларни аниқлаш, парвариш режасини тузиш ва уни амалга ошириш ҳамда бемор холатларини баҳолаш ва бошқалар).

32.Тиббиёт муассасаларининг биринчи раҳбарлари амалиётга умумий раҳбарлик қилади.

33. Тиббиёт муассасаларининг биринчи раҳбарлари мунтазам равишда амалиёт даврида ўқувчилар билан соғлиқни сақлаш тизимида олиб борилаётган ислоҳатлар бўйича суҳбатлар ташкил этиб, амалиёт жараёнларини назорат қилади.

Умумий раҳбарнинг вазифалари

· Амалиётнинг ташкилий вазифаларини мувофиқлаштиради;

· Амалиёт даврида ўқувчиларга маъруза ва суҳбатлар ташкил этади;

· Амалиёт дастурига асосан бевосита раҳбарларни танлайди;

· Бевосита раҳбарлар, услубий раҳбарлар ва ўқувчиларга мазкур ДПМнинг тузилиши, ички тартиб қоидаларини тушунтириб, уларнинг бажарилишини назорат қилади;

· Ўқувчиларнинг амалиёт давридаги фаолияти ҳақидаги тавсифномани тасдиқлайди;

· Амалиёт жараёнини сифатли тахлил қилиш мақсадида мунтазам равишда назорат этади ва муҳокама қилишни ташкил этади;

· ДПМда хавфсизлик техникаси қоидалари ва мехнат интизоми бўйича тушунтириш ишларини ташкиллаштиради.

Умумий раҳбарининг ҳужжатлари

· Даволаш профилактика муассасаси бош шифокорининг буйруғи;

· Ишлаб чиқариш амалиётига юбориш тўғрисида коллеж директорининг буйруғидан кучирма;

· ДПМ ва таълим муассасаси орасида амалиёт ишларини ташкил этиш бўйича тузилган икки томонлама шартнома;

· ДПМга юборилган коллежнинг расмий хати;

· Ишлаб чиқариш амалиётининг ишчи ўқув дастури;

· Амалиёт даврида ўқувчи томонидан ўзлаштириши зарур бўлган амалий кўникмалар рўйҳати (ҳар бир амалиёт тури бўйича алоҳида);

· Ишлаб чиқариш амалиёти жадвали;

· Ишлаб чиқариш ва дипломолди амалиёти тавсифномаси;

· Амалиётнинг якуний қайдномаси.

34. Тиббиёт муассасаларини амалиёт турига мос равишда танлаш. Амалиётнинг умумий ва бевосита раҳбарлари, яъни, бош, катта ва етакчи ҳамширалар билан хамкорликда олиб борилади. Бевосита раҳбар қилиб ДПМ бош шифокори буйруғи билан муассаса бош, катта ва етакчи ҳамширалари тайинланади.

Бевосита раҳбарнинг вазифалари

· Ўқувчиларга амалиёт дастурининг тўлиқ бажари­лишини таъминлайди ва уларнинг ишларига баҳо беради;

· Услубий раҳбар билан хамкорликда амалиёт даврида бўлим доирасида дастурга асосан амалиёт ўтиш жадвалини тузади;

· Ҳар бир ўқувчига бўлимда ишлаш қоидалари, техника хавфсизлигини тушунтиради ва унга риоя килишини таъминлайди;

· Тасдиқланган жадвалга мувофиқ ўқувчиларнинг давоматини хисобга олади;

· Ҳар бир ўқувчининг амалиёт дастурида кўзда тутилган амалий муолажа алгоритмлари ва уларни бажариш техникаси, малака кўникмаларини тўлиқ эгаллаши ва тиббий ҳужжатларнинг юритилиши бўйича тавсия беради, амалий кўникмаларни ўзлаштириш учун шароит яратади ва уларнинг бажарилишини шахсан назорат этади;

· Ўқувчиларга кундалик юритиш (бемор ҳақидаги маълумотлар, муаммоларни аниқлаш, парвариш режасини тузиш ва уни амалга ошириш ҳамда бемор холатларини баҳолаш ва бошқалар), хисобот тайёрлаш ва хужжатларни расмийлаштиришда амалий ёрдам кўрсатади;

· Амалиёт кундаликларини мунтазам текшириб боради ва ўқувчиларнинг ҳар кунлик ишини баҳолайди. Амалиёт тугагач ҳар бир ўқувчининг ишига тавсифнома беради;

· Ишлаб чиқариш амалиётининг якуний хужжатларини расмийлаштиришда бевосита иштирок этади.

Бевосита раҳбарнинг хужжатлари

· Ишлаб чиқариш амалиётининг намунавий ўқув дастури;

· Ишлаб чиқариш амалиёти жадвали;

· Ишчи дастур, амалий кўникмалар рўйҳати;

· Гурух рўйҳати, амалиётда ўқувчиларнинг давомати ва амалий кўникмаларни ўзлаштириш хисоботи.

35.Услубий раҳбар этиб, коллеж директорининг буйруғи билан тажрибали махсус фан ўқитувчилари тайинланади (амалиётга юборишдан камида бир ой олдин).

Услубий раҳбарнинг вазифалари

· Ўқувчиларни амалиёт ўташ жойларига ишлаб чиқариш амалиёти дастурига ва жадвалга асосланиб, тақсимлайди, тиббиёт муассасаларида ўқувчиларининг амалиёт даврида иштирок этади ҳамда ўқувчиларнинг тиббиёт муасссасаларида ички тартиб қоидаларга риоя қилишини таъминлайди;

· Амалиётнинг календар - мавзу иш режасини тузади. Дастурга асосан бўлимлар бўйича амалиёт ўтиш жадвалини тузиб, унинг бажарилишини таъминлайди;

· Амалиёт даврида ўқувчиларнинг ишларини ўрганади камчиликларни ўз вақтида аниқлаб, бартараф этиш чораларини кўради;

· Кундалик юритишнинг тартиби, муолажа ва амалий кўникмалар бажариш кетма-кетлиги, унинг хажми, мазмунини белгилайди. Кундаликларга тақриз ёзади;

· Мустақил ишлар мавзуларини танлайди ва ўқувчиларга индивидуал топшириқлар беради;

· Амалиёт бўйича барча расмий ҳужжатларни ва хисоботларни тайёрлайди;

· Дипломолди амалиёти якуни бўйича конференция (анжуман)га ўқувчиларни тайёрлайди;

· Амалиёт дастурининг тўлиқ хажмда бажарилишини таъминлайди;

· Амалиёт якунида умумий раҳбар билан хамкорликда якуний назорат ўтказади.

Услубий раҳбарнинг хужжатлари.

· Ушбу низом қоидалари;

· Ишлаб чиқариш амалиётининг намунавий ва ишчи ўқув дастури, календар - мавзу режаси;

· Ишлаб чиқариш амалиёти жадвали;

· ДПМ ва таълим муассасаси орасида амалиёт ишларини ташкил этиш бўйича тузилган икки томонлама шартнома;

· Ишлаб чиқариш амалиётига юбориш тўғрисида коллежнинг буйруғи;

· Ишлаб чиқариш амалиётига ўқувчиларни қабул қилиш тўғрисида даволаш муассасасининг буйруғи;

· Ўқувчилар ишлаб чиқариш ва диплом олди амалиёти кундалиги;

· Меҳнатни мухофаза қилиш ва техника хавфсизлиги бўйича суҳбат ўтказилганлиги тўғрисидаги қайднома дафтари;

· Якуний хисобот ва сифат таҳлили.

Амалиёт ўтувчи ўқувчининг вазифалари

· Амалиёт ўтаётган муассаса ёки ташкилотнинг ички тартиб қоидаларига риоя этиш;

· Мехнатни мухофаза қилиш, хавфсизлик техникаси ва ДПМ санитария қоидаларини ўрганиш ҳамда уларга қатъий риоя қилиш;

· Амалиёт ўтаётган даврида муассаса ёки ташкилотнинг жамоат ишлари ва маданий - оммавий хаётида иштирок этиш;

· Дастур асосида амалий, малакавий кўникмаларни ўзлаштириш;

· Бажарган муолажалари, тиббий тарғибот, бемор кузатувлари ва олинган маълумотлар асосида кундалик ёзиб бориш;

· Ҳамшира кузатув кундалигини юритиш ва ҳамшира ёзувларини олиб бориш;

· Амалиёт якунида хисобот ёзиш ва даволаш-профилактика муассасасидан тавсифнома олиб расмийлаштириш.

Амалиёт ўтувчи ўқувчида бўладиган ҳужжатлар

· Ишлаб чиқариш амалиёти дастури.

Амалий кўникмалар рўйҳати

· Мустақил ишлар рўйҳати;

· Амалиёт ўтиш жадвали;

· Амалиётда бажарилиши лозим бўлган амалий муолажалар ва ҳаракат кўникмалари рўйҳати;

· Кундалик дафтар;

· Тавсифнома;

· Амалиёт якуни бўйича ёзма хисобот;

36. Хафтада бир марта умумий раҳбар томонидан услубий ва бевосита раҳбарлар иштирокида ўқувчилар билан мулоқот ўтказилиб, юзага келган муаммо ва камчиликларни муҳокама қилинади. Ишлаб чиқариш амалиёти якуни бўйича ўқувчилар кундалигининг охирида хисобот тўлдирилади. Ҳар бир ўқувчига ДПМ маъмурияти томонидан тасдиқланган ёзма тавсифномалар берилади.

Ўзбекистон Республикаси

Соғлиқни сақлаш вазирлигининг

2011 йил “ 28 ”февралдаги

60 - сонли буйруғига

2- илова

Шакл № 1

Ш А Р Т Н О М А

«_____»__________20___ й.

Бизлар, қуйида имзо чекувчилар, __________________________тиббиёт коллежи

директори_____________________________,_______________________________

(директорнинг Ф.И.Ш.) (ДПМ номи)

раҳбари___________________________малакали ўрта тиббиёт ходимларини

(раҳбарининг Ф.И.Ш)

тайёрлашда Давлат таълим стандартлари асосида амалий кўникмаларни ўзлаштиришга қўйилган талабларни амалга ошириш ва ўзаро хамкорликни мустахкамлаш мақсадида ушбу шартномани туздик.

I-ҚИСМ

_________________________________ _________________________тиббиёт

(ДПМ номи) (тиббиёт коллежи номи)

коллежининг касбий тайёргарлик базаси бўлишга розилик бериб, қуйидагиларни ўз зиммасига олади:

1. Амалий дарсларни ўтказиш учун ________та ўқув хона ажратади ва уни жихозлашда кўмаклашади.

2. Ўқиш жараёнини тиббиёт коллежи талабига кўра, мутахассис рахбарлар билан таъминлашга ёрдамлашади.

3. Ишлаб чиқариш ва диплом амалиёти учун ишчи ўринларни ташкил этади.

Мутахассислиги	Ишчи ўринлар сони (ўқувчилар сони)	Амалиёт тури	Амалиёт ўтиш муддатлари

4.Ишлаб чиқариш амалиёти даврида ўқувчилар томонидан дастурнинг бажарилишини таъминлаш мақсадида қуйидагиларни бажаради:

а) дастурга мос ишчи ўринларни ажратади ва иш билан таъминлайди;

б) ўқувчиларни даволаш-профилактика муассасаларидаги малакали
мутахассислар, яъни бевосита раҳбарларга бириктиради;

в) тиббиёт муассасаларидаги жамоат ишларига жалб қилади;

г) ўқувчиларнинг давоматини ҳисобга олиш, кундалик тўлдириш,
ҳисоботларни текшириб туриш, бахолаш, тақриз ва тавсифномаларни ёзиш,
имзолаш ишларини амалга оширади;

д) ўқувчилар томонидан мехнат интизоми ва ички тартиб қоидалари бузилган
холатда коллеж маъмуриятини ўз вақтида огохлантиради.

5. Ўқувчилар даволаш- профилактика муассасаларида амалиётчи сифатида қабул қилинган вақтидан бошлаб, ушбу муассасада ўрнатилган ички тартиб ва меҳнат муҳофазаси қоидаларига риоя қилишлари талаб этади.

II-ҚИСМ

Тиббиёт коллежи ўз зиммасига олади:

1. Муассасанинг барча ишларида ўқувчиларнинг иштирокини таъминлайди, шанбаликлар ташкил қилади. Кўрик танлов ва бошқа тадбирларда фаол иштирокини таъминлайди.

2. Битирувчиларни биринчи навбатда шу муассаса талабига биноан ишга йўллайди.

3. Ишлаб чиқариш амалиёти даврида қуйидагиларни амалга оширади:

а) амалиёт даврида услубий раҳбарларни юборади,

б) узлуксиз назорат ва услубий раҳбарликни ташкил қилади,

в) ўқувчилар орасида қатьий мехнат интизомини таъминлайди.

4. Ўзбекистон Республикаси Вазирлар Махкамасининг 1996 йил 11 декабрдаги 439-сонли «Касб-ҳунар таълими ўқув юртлари тўғрисидаги низомларни тасдиқлаш ҳақида”ги қарорига мувофиқ ўқувчилар томонидан ишлаб чиқариш амалиёти даврида бажарилган ишларга тегишли малака даражасидаги ҳодимларнинг ойлик маошларига белгиланган коэффицентлар ва амалдаги тартибга кўра ишлаб чиқариш амалиётининг умумий ва бевосита раҳбарларига иш хақини тўлайди.

5. Амалиёт хонасини жихозлашда кўмаклашади;

III –ҚИСМ

1. Шартнома ________________________ 20___ йилгача амал қилади.

2. Шартномани бузиш ҳақида томонлар бир-бирларини 1 ой олдин огоҳлантиради.

3. Шартнома 2 нусҳада тузилиб, бири тиббиёт коллежида, иккинчиси тиббиёт

муассасасида сақланади.

ТОМОНЛАР МАНЗИЛГОҲИ

_______________________________ ____________________________

(тиббиёт коллежи номи) (ДПМ номи)

____________________________________________ ________________________________________

(тўлиқ манзили) (тўлиқ манзили)

ЎҚУВЧИНИНГ ЎҚУВ ИШЛАБ ЧИҚАРИШ ВА ДИПЛОМ ОЛДИ АМАЛИЁТИ КУНДАЛИГИ

_____________________________________________________________________

_____________________________________________________________________

(амалиётнинг номи, бўлими)

____________________ ______________________ _________________

бўлим курс гуруҳ

Ўқувчиси ___________________________________________________________

(Ф.И.Ш)

Умумий раҳбар ______________________________________________________

(Ф.И.Ш, имзоси)

Бевосита раҳбар _____________________________________________________

(Ф.И.Ш, имзоси)

Услубий раҳбар _____________________________________________________ (Ф.И.Ш, имзоси)

Номер документа:  60
Дата принятия:  28.02.2011