Буйрук №213 "2009/2010 ўқув йилида клиник ординатурага қабул қилиш ҳақида"

2009/2010 ўқув йилида клиник
ординатурага қабул қилиш ҳақида

Ўзбекистон Республикаси Соғлиқни сақлаш вазирлигининг режасига биноан, шунингдек, тиббиётнинг долзарб йўналишлари бўйича Қорақалпоқистон Республикаси ва вилоятларда юқори малакали кадрларга бўлган эҳтиёж ва талабни эътиборга олиб, вазирлик буюртмасига асосан

ТАСДИҚЛАЙМАН:

1. Клиник ординатура орқали мутахассисларни 2009/2010 ўқув йилида тайёрлаш бўйича мутахассисликлар рўйхатини 1-иловага мувофиқ.

2. Олий таълим муассасалари ва уларнинг филиаллари, ТошВМОИ, Илмий текшириш институтлари, Ихтисослаштирилган ва илмий марказлар бўйича 2009/2010 ўқув йилида клиник ординатурага умумий тартибда қабул қилинадиган ўринлар режасини 2-иловага мувофиқ.

3. Олий таълим муассасалари ва уларнинг филиаллари, ТошВМОИ бўйича 2009/2010 ўқув йилида вилоятлар квотаси бўйича клиник ординатурага қабул қилиш режасини 3-иловага мувофиқ.

4. Тошкент врачлар малакасини ошириш ва Тошкент педиатрия тиббиёт институтлари, Ихтисослаштирилган ва илмий марказларда мақсадли клиник ординатурага қабул қилиш режасини 4-иловага мувофиқ.

5. 2009/2010 ўқув йилида клиник ординатура қабули тест ва оғзаки имтиҳон синовларини Олий таълим муассасалари, ТошВМОИ, ИТИ, илмий ва ихтисослаштирилган марказларда ташкил этиш жадвалини 5 –иловага мувофиқ.

6. 2009/2010 ўқув йилида клиник ординатура қабули бўйича масъул котиблар рўйхати 6-иловага мувофиқ.

7. Олий таълим муассасалари, ТошВМОИ, ИТИ, Ихтисослаштирилган ва илмий марказлар клиник ординаторларини миллий истиқлол ғояси фанини ўқитиш учун ТошВМОИ, Олий таълим муассасаларига бириктириш жадвалини 7-иловага мувофиқ.

БУЮРАМАН:

1. Ўзбекистон Республикаси Соғлиқни сақлаш вазирлигининг 2007 йил 20 июлдаги 322-сонли “2007/2008 ўқув йилида клиник ординатурага қабул қилиш” тўғрисидаги буйруғи билан тасдиқланган “Клиник ординатура тўғрисидаги” муваққат Низомга қуйидаги ўзгартиришлар киритилсин.

- Муваққат Низомнинг 11- бандида кўрсатилган “Мутахассис дипломига эга бўлган Ўзбекистон Республикаси Президенти ва Давлат стипендиялари совриндорлари клиник ординатурага эълон қилинган грант ўринларга, айрим грант ўринлар эълон қилинмаган мутахассисликлар бўйича контракт ўринларга танловдан ташқари қабул қилинади. Институтни имтиёзли диплом билан тугатганларга клиник ординатурага кириш имтиҳонларида тўпланган баллнинг 10 фоизи микдорида қўшимча балл шаклидаги имтиёз берилади.”

Ушбу жумладан сўнг қуйидагича қўшимча киритилсин.

- “ Икки йилдан кам бўлмаган врачлик иш стажига эга бўлган врачлар клиник ординатурага танлов асосида имтиёзли равишда қабул қилинади, яъни уларнинг кириш имтиҳонларида тўпланган баллнинг 20 фоизи микдорида қўшимча балл шаклидаги имтиёз берилади.”

- Низомнинг 21- бандида кўрсатилган “Клиник ординатурага танлов икки босқичда амалга оширилсин. ..... Биринчи босқич баҳолари – 30%, иккинчи босқич баҳолари – 70% билим кўрсаткичлари” - деб қабул қилинсин. Ўрнига:

- “Клиник ординатурага танлов икки босқичда амалга оширилсин. .....Биринчи босқич баҳолари – 50%, иккинчи босқич баҳолари – 50% билим кўрсаткичлари» деб қабул қилинсин.

- Низомга қуйидаги ўзгартириш киритилсин:

“Биринчи ва иккинчи босқич баҳолари йиҚиндиси клиник ординатурага кириш балининг 30% дан кам бўлган ҳолларда, ушбу врачлар танловда иштирок этиш ҳуқуқига эга эмас”.

2. Ўзбекистон Республикаси Соғлиқни сақлаш вазирлигининг 2007 йил 20 июлдаги 322-сонли “2007/2008 ўқув йилида клиник ординатурага қабул қилиш” тўғрисидаги буйруҚи билан тасдиқланган “Клиник ординатура тўғрисидаги” муваққат Низом ва ўзгартиришлар асосида клиник ординатурага қабул ва ўқиш жараёни амалга оширилсин.

3. Соғлиқни сақлаш вазирлигининг 2006 йил 17 апрелдаги 160-сонли “Соғлиқни сақлаш вазирлиги тизимидаги муассасаларда тиббиёт (врачлик) ва фармацевт мутахассисликлари ва лавозимлар номенклатурасини тасдиқлаш” тўғрисидаги буйруғининг 1-иловасига асосан клиник ординатура орқали мутахассисларни 2009/2010 ўқув йилида тайёрлаш 1-иловада келтирилган мутахассисликлар рўйхати асосида амалга оширилсин.

4. Олий таълим муассасалари ва Тошкент врачлар малакасини ошириш институти ректорлари, Тошкент тиббиёт академиясининг Урганч, ТошПТИнинг Нукус филиаллари, Илмий текшириш институтлари, Ихтисослаштирилган ва илмий марказлар, уларнинг филиаллари директорларига:

4.1. Клиник ординатурага танловда иштирок этувчи врачларнинг ҳужжатлари оммавий ахборот воситаларида эълон чиққан кундан бошлаб жорий йилнинг 20 августигача (шу куни ҳам) қабул қилинсин.

4.2. Қабул қилинган ҳужжатлар тўғрисидаги маълумот жорий йилнинг 22 августига қадар ўрнатилган тартибда Фан ва ўқув юртлари Бош бошқармасига топширилсин (шакл илова қилинади).

4.3. Клиник ординатурага қабул жорий йилнинг 5 сентябрига қадар таъминлансин.

4.4. Қорақалпоғистон Республикаси ва вилоятлар квотаси бўйича берилган ўринларга танлов ҳар бир вилоят учун алоҳида ташкил этилсин ва ажратилган ўринларга ушбу регионларда яшовчи врачлар қабул қилинсин.

4.5. Илмий текшириш институтлари, Ихтисослаштирилган ва илмий марказлар учун клиник ординатурага берилган ўринларга танловда иштирок этувчи врачларга танловнинг биринчи босқичи – тест синовлари 5-иловада бириктирилган тартибда ташкил этилсин. Ушбу тест синовлари бепул ўтказилсин.

4.6. Илмий текшириш институтлари ва марказлар клиник ординаторлари «Миллий истиқлол Қояси» фанини ўқитиш учун Тошкент врачлар малакасини ошириш институти, Олий таълим муассасаларига 7-иловада келтирилган тартибда бириктирилсин.

4,7. Клиник ординатурага қабул қилиш режасини бажарганлиги тўғрисидаги ҳисобот жорий йилнинг 8 сентябригача Соғлиқни сақлаш вазирлигининг Фан ва ўқув юртлари Бош бошқармасига топширилсин.

4.8. Клиник ординатурага кириш учун танловда иштирок этувчи ҳар бир врачга унинг ҳужжатлари қабул қилинганлиги ва имтиҳон синовлари муддати кўрсатилган маълумотнома қабул комиссияси томонидан берилсин.

4.9. Клиник ординатурада 2009/2010 йил қабули бўйича ўқув жараёни жорий йилнинг 7 сентябридан бошлансин.

5. Қорақалпоқистон Республикаси Соғлиқни сақлаш вазирига, вилоят Соғлиқни сақлаш бошқармалари бошлиқларига:

5.1. Ажратилган квота доирасида, туманларни эҳтиёжидан келиб чиққан ҳолда, врачларни танловда иштирок этиш учун жалб этиш юклатилсин.

6. Фан ва ўқув юртлари Бош бошқармасига (Ш.Э.Атаханов):

- Қорақалпоқистон Республикаси, вилоятлар ва Тошкент шаҳри учун клиник ординатурага ажратилган ўринлар тўлдирилмаса, улар регионал квота доирасида қайта тақсимлансин;

- Тошкент шаҳрида танловдан ўтган врачлар, Қорақалпоқистон Республикаси ва вилоятлардаги Олий таълим муассасалари ва уларнинг филиаллари, Илмий ва ихтисослаштирилган марказлар филиалларида ўқиш розилигини билдирган ҳолда, уларни вилоят квотаси доирасида юбориш юклатилсин.

7. Иқтисодиёт, маблағ билан таъминлаш ва истиқболни аниқлаш Бош бошқармасига (Б.А.Хашимов):

Олий таълим муассасалари, Илмий текшириш институтлари ва марказлардаги клиник ординаторлар учун «Миллий истиқлол ғояси» фанини икки йил мобайнида умумий 108 соат ўқитиш учун сарф-ҳаражатлари ҳисоб-китоби ишлаб чиқилсин ва маблағ билан таъминлаш юклатилсин.

8. Илмий текшириш институтлари, Ихтисослаштирилган ва Илмий марказларда грант асосида ўқишга қабул қилинган клиник ординаторлар стипендияси маблағларини молиялаштириш Иқтисодиёт, маблағ билан таъминлаш ва истиқболни аниқлаш Бош бошқармасига (Б.А.Хашимов), клиник ординаторларни стипендия билан таъминлаш ва тўловни амалга ошириш Тошкент врачлар малакасини ошириш институтига (Ж.М.Собиров) юклатилсин.

9. Илмий текшириш институтлари, ихтисослаштирилган ва илмий марказ директорларига клиник ординаторларнинг давомат табелларини ўз вақтида Тошкент врачлар малакасини ошириш институтига тақдим этиш, юқори малакали мутахассис сифатида тайёрлаш ва клиник ординатурани тугатгандан сўнг гувоҳнома билан таъминлаш юклатилсин.

10. Белгилаб қўйилсинки клиник ординатурани тугатган врачлар мутахассислиги бўйича ишга жойлашганлигини тасдиқловчи меҳнат дафтарчасини тақдим этганларидан сўнг уларга гувоҳнома берилади.

Ушбу буйруқни бажарилиш назоратини вазирнинг ўринбосари М.Х.Ходжибековга юклайман.

В А З И Р                                                                                                 А.И. ИКРАМОВ