Мазкур даврда қабул қилинган қонун ҳужжатлари энг аввало, фуқаролар соғлиғини сақлаш соҳасида ислоҳотларни янада чуқурлаштиришда долзарб аҳамиятга эга бўлган норматив-ҳуқуқий базани шакллантиришга қаратилганлигини қайд этиш лозим. Жумладан, мазкур давр мобайнида Ўзбекистон Республикасининг "Фуқаролар соғлиғини сақлаш тўғрисида"ги Қонунига мувофиқ ҳамда аҳолининг малакали тиббий хизматдан фойдаланиш ва ижтимоий ҳимояга доир конституциявий ҳуқуқларини таъминлаш, шунингдек, тиббий хизматларнинг сифатини яхшилаш учун ташкилий, иқтисодий ва ҳуқуқий шарт-шароитларни яратиш, соғлом авлодни тарбиялаш, соғлиқни сақлаш тизимини мамлакатда амалга оширилаётган ислоҳотларга мувофиқ ҳолга келтириш мақсадида, 1998-2005 йилларда соғлиқни сақлаш тизимини ислоҳ қилиш концепцияси, бепул тиббий ёрдам кўрсатадиган ва бюджетдан молияланиши лозим бўлган даволаш-профилактика муассасалари рўйхати, босқичма-босқич пуллик тиббий хизматларга ўтказилиши лозим бўлган даволаш-профилактика муассасалари рўйхати, қишлоқ врачлик пунктлари тармоғини ривожлантириш дастури каби муҳим ҳужжатлар маъқулланди ҳамда самарали амалга оширилди.

Ислоҳотларнинг иккинчи босқичи (2001 йил ва ундан кейинги йиллар)да Ўзбекистон Республикаси Президентининг 2006 йил 23 январдаги "Ҳомийлар ва шифокорлар йили дастури тўғрисида"ги ПҚ-266-сонли Қарори, 2007 йил 2 октябрдаги "Республика тиббиёт муассасалари фаолиятини ташкил этишни такомиллаштириш чора-тадбирлари тўғрисида"ги ПҚ-700-сонли Қарори, 2007 йил 19 сентябрдаги "Соғлиқни сақлаш тизимини ислоҳ қилишни янада чуқурлаштириш ва уни ривожлантириш давлат дастурини амалга оширишнинг асосий йўналишлари тўғрисида"ги ПФ-3923-сонли Фармони, Ўзбекистон Республикаси Вазирлар Маҳкамасининг 2003 йил 25 августдаги "Никоҳланувчи шахсларни тиббий кўрикдан ўтказиш тўғрисидаги Низомни тасдиқлаш ҳақида"ги 365-сонли қарори, 2003 йил 31 октябрдаги "Тиббий фаолиятни ва фармацевтика фаолиятини лицензия-лаш тўғрисидаги Низомларни тасдиқлаш ҳақида"ги 477-соли қарори, 2004 йил 8 июндаги "Соғлиқни сақлаш тизимида экспериментни тугаллаш ва ислоҳотларни чуқурлаштириш чора-тадбирлари тўғрисида"ги 264-сон қарори, 2005 йил 25 январдаги "Сиҳат-саломатлик йили Давлат дастури тўғрисида"ги 30-сонли қарори каби норматив-ҳуқуқий ҳужжатлар ҳуқуқий асос вазифасини ўтагани ҳамда амалга оширилаётган ислоҳотларнинг мазмун-моҳиятига сифат жиҳатидан янгича маъно-мазмун бағишлаганини алоҳида қайд этиш жоиз.

Бундан ташқари, ўтган давр мобайнида республикамизда фуқароларнинг соғлиқни сақлашга доир ҳуқуқлари давлат томонидан кафолатланишини таъминлаш, фуқароларнинг соғлом турмуш тарзини шакллантириш; давлат органлари, корхоналар, муассасалар, ташкилотлар, жамоат бирлашмаларининг фуқаролар соғлиғини сақлаш соҳасидаги фаолиятини ҳуқуқий жиҳатдан тартибга солишда муҳим асос вазифасини бажараётган махсус – "Фуқаролар соғлиғини сақлаш тўғрисида"ги қонунга 4 марта ўзгартиш ва қўшимчалар киритилди. Киритилган ўзгартиш ва қўшимчалар мазмун-моҳиятига кўра, унда "соғлиқни сақлаш" тушунчаси фуқаролар соғлиғини сақлашга йўналтирилган ижтимоий-иқтисодий ва тиббий тадбирлар мажмуаси сифатида эътироф этилди, соғлиқни сақлаш тизимидаги махсус ваколатли давлат органи ваколатлари янада кучай-тирилди, хусусий ва бошқа хил соғлиқни сақлаш тизимининг молиялаштириш манбалари аниқ белгиланди, республикамизда доимий яшаётган фуқаролиги бўлмаган шахсларга тиббий ёрдам кўрсатиш масалаларида Ўзбекистон фуқаролари билан бир қаторда тенг ҳуқуқга эга эканлиги аниқ баён этилди, соғлиқни сақлашнинг хусусий ва бошқа хил тизимлари белгиланган тартибда тиббий ҳужжатларни юритиши ҳамда статистика маълумотларини тақдим этиши шартлиги, шунингдек, тез тиббий ёрдамнинг соғлиқни сақлашнинг хусусий ва бошқа хил тизимлари томонидан ҳам кўрсатилиши ҳуқуқий жиҳатдан мустаҳкамлаб қўйилди.
Страница 2 - 2 дан 5
Бош | Олдинги. | 1 2 3 4 5 | Кейинги. | Охири | Хаммаси