Эндемик бўқоқнинг салбий оқибатлари

Йод миқдори етишмаслиги турли қалқонсимон без касалликларини келтириб чиқаради. Бу касалликнинг юртимиз ҳудудидаги энг кенг тарқалган тури эндемик бўқоқ бўлиб, асосан, ёш болалар, ўсмирлар, ҳомиладор ҳамда эмизикли аёлларда кўп учрайди.

Без фаолиятининг пасайиши, йод миқдорининг етишмаслиги қуйидаги салбий оқибатларни юзага келтиради:

1 Ҳомиладорликда оғир асоратларга сабаб бўлади:

Ҳомилада мия ривожланишига салбий таъсир кўрсатади;
Умуман, ҳомила ўсиши ва ривожланишида орқага қолиш;
Бола ташлаш ва боланинг муддатидан олдин туғилиши;
Ўлик чақлоқнинг ёки ақлий ва жисмоний жиҳатдан заиф, ногирон боланинг дунёга келиши…

Болаларда ўсиш жараёнини кечикиши ва ақлий қобилиятни пасайиши;
Юрак-қон томир касалликлари;
Гипертония;
Гипотония;
Атеросклероз;
Ошқозон-ичак касалликлари;
Қабзият ва ич кетиши;
Асаб тизими фаолияти бузилиши;
Депрессия;
Жинсий безлар фаолияти сусайиши;
Суяклар ривожланишинининг пасайиши;
Паст бўйлик ва остеопороз;
Айрим ҳолатларда бу хасталик қалқонсимон безда саратон бўлмаган ва ёки саратон ўсимталарининг пайдо бўлишига замин яратади.
Ҳатто йод танқислигининг энг енгил шаклида ҳам минтақа аҳолисининг интелектуал салоҳияти 15-20 фоизга камаяди.

Ёшга нисбатан йодга бўлган кунлик эҳтиёж миқдори қанча?

12 ёшгача бўлган болалар учун – 50 мкг;
2-6 ёшгача бўлган болалар учун – 90 мкг;
7-12 ёшгача бўлган болалар учун – 120 мкг;
12 ёшдан катталар учун – 150 мкг;
Ҳомиладор ва эмизикли аёллар учун – 200 мкг.

Хасталикнинг олдини олиш ва даволаш:

Эндемик бўқоқнинг олдини олиш ҳамда даволашнинг энг самарали, энг осон ва арзон усули – бу йодланган ош тузи истеъмоли;
Йод препаратларидан истеъмол қилиб бориш (шифокор текширувидан сўнг);
Йод миқдори океан балиқларида жуда юқори. Йод танқислигига қарши курашиш учун Тинч океани маҳсулотларининг консерва кўринишидан еб туриш лозим. Бироқ илмий текширувлардан маълум бўлишича, Амударё ва Сирдарё сув ҳавзаларидан тутилиб истеъмол қилинадиган балиқларда йод миқдори жуда кам.

Хурмо ва ёнғоқ бўқоқнинг олдини оладими?

100 грамм хурмода атиги 2,8 мкг, ёнғоқда эса 4,6 мкг йод борлиги маълум бўлган. Йод кам минтақада яшаганлигимиз туфайли юртимизда етиштириладиган мева, сабзавот, дуккакли экинлар, сув ва тупроқ таркибида ҳам бу модда кам бўлиб, организмнинг йодга бўлган эҳтиёжини қондира олмайди.

Ёшларимизнинг бенуқсон, соғлом ривожланишида, ҳомиладор аёллар фарзандларини бекам-у кўст дунёга келтиришларида қалқонсимон без гормонларининг аҳамияти ниҳоятда катта.

Назад Печать

Публикации на эту тему

ЭНЦЕФАЛОПАТИЯ ёки бош миядаги нуқсонларнинг сабаблари

Эндемик бўқоқнинг салбий оқибатлари

Нима учун овқат билан ёки ундан кейин сув ичиш мумкин эмас?

Қон нега суюлади?

Лимфа тугуни шиши

Холестиринингиз юқорими?

Асалли сут ичишнинг 4 шарти!

Ошқозон яраси бош кўтарса

Жигар қуртласа... Қаҳва, нон ва гўжадан воз кечинг!

Жим туринг, шовқинланманг!