БЦЖ - туберкулёзга қарши эмлаш ҳисобланади. БЦЖ вакцнация иммунизацияси дунёнинг 64 мамлакатида мажбурий ҳисобланиб, 118 мамлакатда расмий тавсия этилган. БЖЦ вакцинаси ҳайвонлар ва инсоният учун самаралироқ ҳисобланади.
Туберкулез - сурункали бактериал инфекция бўлиб, дунёда энг кўп ўлим ҳолатларига олиб келувчи инфекция ҳисобланади. Инфекцияни қўзғатувчи, туберкулёз микобактериялари ҳаво-томчилари орқали тарқалади. Бошланғич даврда ўпкани зарарлайди, аммо инфекция бошқа органларни ҳам зарарлаши мумкин.
Маълумотларга кўра, ер юзининг 2/3 га яқин аҳолиси туберкулёздан зарарланган. Аммо зарарланганларнинг аксарият ҳолларда туберкулёзнинг ўзи ривожланмайди. Бу жараён иммун тизими кучсизланган инсонларда, бацилла организмдаги барча ҳимоя тўсиқларини енгиб олганда юзага келади ва кундан –кунга кўпайиб ушбу касалликни фаоллашиб кетишига олиб келади. Ҳар йили туберкулёздан 8 миллионга яқин инсонлар оғир касаликка чалинадилар ва 3 миллионга яқин инсонлар оламдан ўтадилар.