Буйруқ № 235 - сон.Режали травматология ва ортопедия бўйича диагностика ва даволаш стандартларини, катталар гастроэнтерологик касалликлари клиник протоколларини тасдиқлаш тўғрисида

Режали травматология ва ортопедия бўйича диагностика ва даволаш стандартларини, катталар гастроэнтерологик касалликлари клиник протоколларини тасдиқлаш тўғрисида

Ўзбекистон Республикаси Президентининг 2007 йил 2 октябрдаги “Республика тиббиёт муассасалари фаолиятини ташкил этишни такомиллаштириш чора-тадбирлари тўғрисида”ги ПҚ-700-сонли қарорининг ижросини таъминлаш, замонавий тиббиёт технологиялари ва дори воситалари ишлаб чиқариш такомиллашувини инобатга олган ҳолда режали травматология ва ортопедия бўйича диагностика ва даволаш стандартларини, катталар гастроэнтерологик касалликлари клиник протоколларини тасдиқлаш ҳамда аҳолига кўрсатилаётган тиббий хизмат сифатини ошириш мақсадида

Буюраман

1. Режали травматология ва ортопедия бўйича диагностика ва даволаш стандартлар 1-иловага, катталар гастроэнтерологик касалликлари клиник протоколлар 2-иловага иловага мувофиқ тасдиқлансин.

2. Вазирликнинг Даволаш-профилактика ёрдамини ташкиллаштириш Бош бошқармаси бошлиғи Д.Миразимов, Травматология ва ортопедия илмий-текшириш институти директори М.Азизов, Республика ихтисослаштирилган Терапия ва тиббий реабилитация илмий-амалий тиббий маркази директори А.Аляви:

мазкур буйруқ билан тасдиқланган стандартлар ва клиник протоколлар тегишли даволаш-профилактика муассасаларига етказилишини таъминлаб, амалиётда фойдаланилиши устидан доимий мониторинг олиб борсинлар;

тиббий технологиялар ва дори воситаларни ишлаб чиқариш такомиллашувини инобатга олган ҳолда иловада тасдиқланган стандартлар ва клиник протоколларни ҳар 2 йилда қайта кўриб чиқиб, такомиллаштириш тадбирларини олиб борсинлар.

3. Қорақалпоғистон Республикаси Соғлиқни сақлаш вазири, Тошкент шаҳар ва вилоятлар Соғлиқни сақлаш бошқармалари бошлиқлари, республика тасарруфидаги даволаш-профилактика муассасалари раҳбарлари зиммасига иловада тасдиқланган стандартлар ва клиник протоколлар тегишли даволаш-профилактика муассасаларида тадбиқ этилишини таъминлаш вазифаси юклатилсин.

4. Вазирликнинг Назорат инспекцияси бошлиғи А.Содиқовга Назорат инспекциясининг режали ва режадан ташқари текширишларда иловада тасдиқланган стандартлар ва клиник протоколлар тиббиёт амалиётига тадбиқ қилиниши устидан назорат ўрнатиш топширилсин.

5. Мазкур буйруқ чиқарилиши муносабати билан Соғлиқни сақлаш вазирлигининг 2012 йил 28 майдаги 144-сонли буйруқ 4 иловаси ўз кучини йўқотган деб ҳисоблансин.

6. Мазкур буйруқ ижросини назорат қилиш вазирнинг биринчи ўринбосари А.Худаяров зиммасига юклатилсин.

В а з и р А. Алимов

Киритилди:

Д.Миразимов

Келишилди:

Вазирнинг биринчи ўринбосари А.Худаяров

Назорат инспекцияси бошлиғи А.Содиқов

ФваЎЮБ бошқармаси бошлиғи Ў.Исмаилов

ОваБМҚББ бошлиғи С.Исмаилов

ДВваТТСНҚББ бошлиғи Х.Жалилов

Юридик хизмати бошлиғи Р.Мухаммадиев

Кушимча малумотлар