Буйруқ №300 "Соғлиқни сақлаш вазирлиги тизимидаги даволаш-профилактика муассасаларида бемор (беморнинг қариндошлари ёки унинг соғлиғидан хабар олувчи шахслар)нинг дори воситалари ва тиббий буюмларини кирим қилиш ва ҳисоботини юритиш"

Соғлиқни сақлаш вазирининг
2014 йил 19 августдаги
300-сонли буйруғига илова

Соғлиқни сақлаш вазирлиги тизимидаги даволаш-профилактика муассасаларида бемор (беморнинг қариндошлари ёки унинг соғлиғидан хабар олувчи шахслар)нинг дори воситалари ва тиббий буюмларини кирим қилиш ва ҳисоботини юритиш

Тартиби

I. Умумий қоидалар

1. Ушбу тартиб Ўзбекистон Республикаси Вазирлар Маҳкамасининг 1999 йил 14 январдаги «Ўзбекистон Республикаси Соғлиқни сақлаш тизимида бошқаришни такомиллаштириш тўғрисида»ги 18-сонли Қарори ва Адлия вазирлигидан 2010 йил 29 июнда 2118-сон билан рўйхатдан ўтказилган Соғлиқни сақлаш вазирлигининг 2010 йил 18 июндаги “Даволаш-профилактика муассасаларида дори воситаларини тайинлаш ҳамда беморнинг дори воситаларини қабул қилиш, сақлаш ва қўллаш тартиби, шунингдек дорихона муассасалари томонидан аҳолига дори воситаларини рецепт асосида бериш тўғрисидаги низомни тасдиқлаш ҳақида”ги 191-сонли буйруғи асосида ишлаб чиқилган.
2. Ушбу тартиб Соғлиқни сақлаш вазирлиги тизимидаги барча стационар даволаш-профилактика муассасаларига тааллуқлидир ва даволаш-профилактика муассасаларида бемор (беморнинг қариндошлари ёки унинг соғлиғидан хабар олувчи шахслар)нинг (кейинги матнларда – бемор) дори воситалари ва тиббий буюмларини кирим қилиш ва ҳисоботини юритишни белгилайди.

II. Даволаш-профилактика муассасаларида беморнинг дори воситалари

ва тиббий буюмларини кирим қилиш ва ҳисоботини юритиш

3. Даволаш-профилактика муассасаларида даволанаётган беморнинг дори воситалари ва тиббий буюмлари беморлар тақдим этган рецепт корешоги асосида муассасада тузилган комиссия томонидан белгиланган тартибда нархланиб кирим қилинади.
4. Беморнинг дори воситалари ва тиббий буюмлари бўлим (хона) катта ҳамшираси томонидан, у бўлмаганда навбатчи ҳамшира томонидан мазкур тартибнинг 1-иловасидаги шаклга асосан «Бемор (беморнинг қариндошлари ёки унинг соғлиғидан хабар олувчи шахслар)нинг дори воситалари ва тиббий буюмларини кирим қилиш китоби»да қайд этилади.
5. «Бемор (беморнинг қариндошлари ёки унинг соғлиғидан хабар олувчи шахслар)нинг дори воситалари ва тиббий буюмларини кирим қилиш китоби» рақамланган, тикилган ва муассаса раҳбари томонидан тасдиқланган бўлиши лозим.
6. «Бемор (беморнинг қариндошлари ёки унинг соғлиғидан хабар олувчи шахслар)нинг дори воситалари ва тиббий буюмларини кирим қилиш китоби» муассасада 3 йил давомида сақланади ва ушбу муддат тугагандан сўнг ўрнатилган тартибда йўқ қилинади.
7. Ҳар ой якунида бўлим (хона) катта ҳамшираси муассаса бош хисобчисига беморнинг дори воситалари ва тиббий буюмлари кирими бўйича хисоботни кейинги ойнинг 5-санасигача мазкур тартибнинг 2-иловасидаги шаклга асосан тақдим этади.
8. Муассасага беморнинг кирим қилинган дори воситалари ва тиббий буюмлари белгиланган тартибда муассасанинг бухгалтерия ҳисоботида акс эттирилади ва бюджетдан ташқари маблағлар тушумида кўрсатилади.
9. Даволаш-профилактика муассасалари ўзининг иш жараёни ҳамда ихтисослигидан келиб чиққан ҳолда, ушбу тартиб талабларини бажарилиши юзасидан муассаса ички ҳужжатини ишлаб чиқиши ва жорий этиши мумкин.

III. Ушбу тартибни бажарилиши бўйича жавобгарлик

10. Ушбу тартибни бажарилиши бўйича жавобгарлик даволаш-профилактика муассасаларининг бош шифокори ва бош ҳисобчиси зиммасига юклатилади.

Соғлиқни сақлаш вазирлиги тизимидаги
даволаш-профилактика муассасаларида бемор
(беморнинг қариндошлари ёки унинг соғлиғидан
хабар олувчи шахслар)нинг дори воситалари
ва тиббий буюмларини кирим қилиш ва
ҳисоботини юритиш Тартибига 1-илова

Бемор (беморнинг қариндошлари ёки унинг соғлиғидан хабар олувчи шахслар)нинг,
дори воситалари ва тиббий буюмларини кирим қилиш китоби

Муассаса номи _______________________________________________________________________

Бўлим/хона номи _____________________________________________________________________

Катта ҳамшира (ҳамшира) Ф.И.Ш. ______________________________________________________

Китоб тутилган сана “_____” ___________________ 20 ___ йил

№	Беморнинг Ф.И.Ш.	Касаллик тарихи рақами, санаси	Дори воситалари ва тиббий буюмлар номи	Нархи (сўмда)	Суммаси (сўмда)

Соғлиқни сақлаш вазирлиги тизимидаги
даволаш-профилактика муассасаларида бемор
(беморнинг қариндошлари ёки унинг соғлиғидан
хабар олувчи шахслар)нинг дори воситалари
ва тиббий буюмларини кирим қилиш ва
ҳисоботини юритиш Тартибига 2-илова

дори воситалари ва тиббий буюмларини кирими бўйича хисобот

Муассаса номи _______________________________________________________________________

Хисобот даври (ой ва йил)	Бўлим/хона номи	Дори воситалари ва тиббий буюмларнинг умумий суммаси (сўмда)	Изоҳ

Катта ҳамшира (ҳамшира)	_____________	_____________
	(имзо)	(Ф.И.Ш.)
Хисоботни қабул қилди:
Бош хисобчи:	_____________	_____________
	(имзо)	(Ф.И.Ш.)