Седатив ва уйқу чақирувчи моддаларга тобеликни даволаш баённомалари

Седатив ва уйқу чақирувчи моддаларга тобеликни даволаш баённомалари 

 Касалликлар Халқаро таснифи бўйича коди (КХТ -10) – F13.2.

Тошкент – 2014

СЕДАТИВ ВА УЙҚУ ЧАҚИРУВЧИ МОДДАЛАРГА ТОБЕЛИКНИ ДАВОЛАШ БАЁННОМАЛАРИ

1. Таърифи:

Сурункали ривожланувчи касалликлар гуруҳи бўлиб, седатив ва уйқу чақирувчи моддалар истеъмоли миқдори кўпайиб борадиган патологик мойиллик, уларни қабул қилиниши тўхтатилганида - абстинент синдроми, сурункали суиистеъмолдаги соматоневрологик ва ижтимоий оқибатлари билан тавсифланади.

2. Беморларни танлаб олиш:

Баённома дастурига асосан беморларга ташҳис қўйилган вақтдан бошлаб кечиктириб бўлмайдиган ёрдам кўрсатилади. Қўшимча соматик касалликлар аниқланган, ёши қайтган беморларга алоҳида эътибор бериш керак.

3. Седатив ва уйқу чақирувчи моддалар турлари:

- барбитур кислотаси бирикмалари (натрий этаминал, натрий амитал);

- бензодиазепинлар (диазепам, феназепам, нитразепам, хлордиазепоксид, лоразепам, алпразолам, клоназепам ва б.)

- бошқа кимёвий гуруҳлардаги уйқу чақирувчи моддалар (зопиклон, золпидем ва б.)

4. Седатив ва уйқу чақирувчи моддаларга тобелик ҳолатининг таснифи:

Клиник кўринишининг оғирлик даражаси бўйича:

I – биринчи (бошланғич) босқич;

II – иккинчи (ўрта) босқич;

III – учинчи (охирги) босқич.

Токсикоманиянинг ижтимоий оқибатлари:

- енгил;

- ўрта оғир;

- оғир.

Токсикоманиянинг соматоневрологик оқибатлари.

Ремиссия, рецидив.

5. Ташҳислаш мезонлари:

Касалликнинг анамнез маълумотлари (субъектив ва объектив анамнез) ва клиник кўринишини таҳлил қилиш.

6. Дифференциал диагностика:

Бошқа психоактив моддалар суиистеъмолида учрайдиган руҳий ва хулқ-атвор ўзгаришлари билан таққослаш керак.