ДСЭНМлар эпидемиология ва бактериологик лаборотория бўлим мудирлари учун семинар ўтказилди.
2016йил 29 апрел куни Соғлиқни сақлаш вазирлигининг Республика Давлат санитария - эпидемиология назорати марказида Қорақалпоғистон Республикаси, вилоятлар ва Тошкент шаҳар Давлат санитария-эпидемиология назорати марказларининг эпидемиология ва бактериологик лаборатория бўлим мудирларига бағишланган семинар бўлиб ўтди.
Бу семинарда «Ўзбекистон темир йўллари», «Ўзбекистон ҳаво йўллари», миллий ҳавфсизлик ва ССВ СЭС МСО санитария эпидемиология марказларининг бўлим мудирлари иштирок этишди.
Семинарда ичак инфекцияларинг кўпайиш мавсуми бошланишидан олдин олиб борилиши керак ва зарур бўлган профилактик ва эпидемияга қарши чора тадбирларни кучайтириш, ҳамда уларнинг тарқалиб кетишини олдини олиш бўйича вазифалар кун тартибида кўриб чиқилиб, мухокама қилинди.
Семинарни Республика Давлат санитария-эпидемиология назорати марказининг бош врачи Алматов Бахром Ибрагимович очиб бердилар. Алматов Б.И. ўз чиқишларида Давлат саниатрия-эпидемиология назорати марказининг олдига қўйган асосий вазифалар, мақсадлар ва камчиликларни айтиб ўтиб Республикадаги ичак игфекцияларининг эпидемик вазиятига урғу бердилар.
Семинарда Республика Давлат санитария-эпидемиология назорати марказининг эпидемиологик масалалари бўйича бош врач ўринбосари Қурбонов Ботир Журабаевич ичак инфекцияларига қарши қаратилган комплекс ёндашув аҳамиятини, ҳамда эпидемиология, санитария ва бактериология врачларини ҳамжихатликда ишлаши кераклигини такидлаб ўтдилар.
Рес ДСЭНМ эпидемиология бўлим мудири т.ф.н. Кудашева Л.В. “Республикада ич терлама ва паратиф касалликларининг кўрсаткичлари, профилактик ва эпидемияга қарши курашиш чора-тадбирларини ташкил қилишда замонавий ёндашув” деб номланган маъруза билан чиқиш қилдилар.
Кудашева Л.В. биринчи бўлиб ўз маърузасида касалликнинг кўп йиллик динамикаси кўрсаткичлари ва эпидемик жараёндаги асосий тенденциялар, ҳамда уларни мувофиқлаштириш бўйича эпидемиологик барқарорликка тўхталиб ўтдилар. Кудашева Л.В. ўз маърузасида ичтерлама ва паратиф касаллиги бўйича нохуш микрохудудларда ва ўчоқларда олиб борилиши керак бўлган асосий профилактик ва эпидемияга қарши чора тадбирларга кўпроқ ахамият қаратилиши лозим деб таъкидлаб ўтдилар.
Иккинчи маърузани Рес.ДСЭНМ бактериологик лаборатория в.б. бўлим мудири Пахомова В.А. давом этдилар. Пахомова В.А. ўз маърузаларида ич терлама ва паратиф касаллигини олдини олиш чора-тадбирлари эпидемиология ва бактериология врачлари билан ҳамжихатликда олиб борилаётганлиги тўғрисида таъкидлаб ўтдилар. Республикада бактериологик ва вирусологик лабораториялари таъминоти бўйича муаммолар мухокама қилинди.
“Ич терлама, паратиф ва сальмонеллёз касалликларини бирданига кўтарилишида эпидемиологик текширув ўтказиш усули ва босқичлари” тўғрисидаги марузани Рес.ДСЭНМ эпидемиология бўлими врачлари Усманова З.А. ва Жураев Ж.Р. ўқишди. Улар ич терлама, паратиф ва сальмонелёз ўчоқларида олиб борилишига қаратилган профилактик ва эпидемияга қарши чора-тадбирлари бўйича атрофлича маъруза қилишди, ҳамда касаллик авж олган вақтда олдини олишга қаратилган чора-тадбирларнинг алгоритмини тақдим этишди.
Семинарда Тошкент ш. ва Бухоро вилоят ДСЭНМ эпидемиология бўлим мудирлари Расулова Д.М. ва Тажимуратова С.У. “Вирусли гепатитга қарши олиб борилаётган чора-тадбирлар” ҳақидаги маъруза билан иштирок этдилар.
Ўтказилган семинар интерактив тарзда бўлиб ўтди, иштирокчилар билан жуда кўп саволлар мухокама қилиниб ўз ечимини топди.