22.03.2016
Республика ДСЭНМларида олиб борилаётган тарғибот ишлари.
Семинарни Республика ДСЭНМ Бош врачи Б.И.Алматов кириш сўзи билан очиб, ҳозирги кунда аҳоли орасида санитария - гигиена қоидаларини тарғиб қилиш, оилаларда тиббий маданиятни шакллантириш Давлат сиёсати даражасига кўтарилган долзарб масала бўлиб қолганлиги, янги қабул қилинган “Аҳолининг санитария-эпидемиологик осойишталиги тўғрисида”ги Қонунда ҳам юқумли касалликларга қарши курашишда тарғибот ишларини олиб бориш энг устувор йўналишлардан бири эканлигини таъкидлаб, аҳоли билан учрашувларни ҳамда оммавий ахборот воситалари орқали чиқишларни кўпайтририш ҳақида гапириб ўтди.
Кейинги сўз Республика ДСЭНМ Бош врачи ўринбосари Н.С.Тошбоевга берилди.
Н.С.Тошбоев ўз маърузасида тарғибот ишларини олиб борилишининг ҳозирги кундаги ҳолати, ишларни яхши йўлга қўйиш учун нималарга эътибор бериш кераклиги ҳақида гапириб ўтди.
Танаффусдан сўнг Республика ДСЭНМнинг ОАВ ва жамоатчилик билан ишлаш бўлими мудири Д.Э.Мирбобоеванинг “ДСЭНМларда тарғибот ишлари учун масьул ходимларнинг иш фаолиятида керакли бўлган материаллар” мавзусидаги маьрузаси тингланди.
Тушликдан сўнг ботулизм касаллигини олдини олишга бағишланган хужжатли фильм намойиш қилинди ва қизиқарли бахс - мунозаралар бўлиб ўтди.
Семинар охирида презентация материаллари, керакли хужжатлар ва фильмлар ҳар бир қатнашчига флэш-картага ўтказиб берилди ва реестр асосида тарқатма материаллар берилди.