30.12.2014
Ботулизм касаллигидан сақланинг!
Ботулизм - айрим ҳолларда ўлим билан тугайдиган, оғир туридаги овқатдан заҳарланиш бўлиб, уй шароитида тайёрланган помидор, бодринг, патиссон маринади, бақлажон икраси ва бошқа консерва маҳсулотларини истеъмол қилиш натижасида юзага келади.
ЗАҲАРЛАНИШ БЕЛГИЛАРИ:
- ҳолсизланиш,кўнгли айниши, қайд қилиш, оғиз қуриши,
- кўришнинг хиралашиши,
- буюмларни иккита бўлиб кўриниши,
- кўз қовоғининг осилиши,
- овоз бўғилиши
БОТУЛИЗМГА ЧАЛИНМАСЛИК УЧУН ҲАР БИР ИНСОН ҚУЙИДАГИЛАРГА АМАЛ ҚИЛИШИ КЕРАК:
- уй шароитида помидор, бодринг, патиссон маринади, бақлажон икралари каби консерва маҳсулотларини тайёрламаслик;
- белгиланмаган жойлар, кўча-куйларда сотилаётган консерва маҳсулотларини харид қилмаслик;
- дуконлардан консерва маҳсулотларини харид қилиш жараёнида маҳсулот ёрлиғи ва унда келтириб ўтилган ишлаб чиқарувчи корхона номи, ишлаб чиқарилган санаси, яроқлилик муддатига алоҳида эътибор бериш;
- ҳар қандай консерва маҳсулотларини очишдан олдин уни чайқамасдан яхшилаб кўздан кечириш, қопқоғи кўтарилмаганлигига, суюқлигининг тиниқлигига ва маҳсулотнинг эзилмаганлигига эътиборли бўлиш.
БУНИ ЁДДА ТУТИНГ!
103
Ботулизм касаллигини даволаш ҳамда асоратларини олдини олишнинг ягона йўли шифокорга ўз вақтида мурожаат қилиш. Беморни уй шароитида, ўзибилганича даволаш оғир асоратларга, ҳаттоки ўлимга олиб келиши мумкин. Шу сабабли касаллик белгилари кузатилса зудлик билан шифохонага мурожаат килинг !
СОҒЛИҚНИ САҚЛАШ ВАЗИРЛИГИ РЕСПУБЛИКА ДАВЛАТ САНИТАРИЯ-ЭПИДЕМИОЛОГИЯ НАЗОРАТИ МАРКАЗИ