Муҳими: Она ва бола ҳамда аҳоли саломатлигига эътиборни кучайтириш
Давлатимиз эртаси бўлмиш болажонлар ва аёлларга яратилаётган барча имкониятлар ҳеч бир тиббиёт ходимини бефарқ қолдираётгани йўқ. Айниқса, ўтган ва мазкур йилимизнинг ярим йиллигини сарҳисоб қилар эканмиз, мамлакатимизда бу борада жуда салмоқли ишлар бажарилганлигини фахр билан айтиш мумкин. Қишлоқларда замонавий тиббиёт биноларининг барпо этилганлиги ва улардаги шарт-шароитлар ҳамда малакали кадрларнинг аҳолига кўрсатаётган хизматларини таъкидлаш муҳимдир. 2010 йилнинг 30 июнида Юртбошимиз томонидан "Ўзбекистон Республикаси Давлат мустақиллигининг ўн тўққиз йиллик байрамига тайёргарлик кўриш ва уни ўтказиш тўғрисида"ги Қарорининг қабул қилиниши соҳа мутахассисларини янада катта куч ҳамда шижоат билан ишлашга ундамоқда.
Шундай экан, Қарордаги "Бу муқаддас Ватанда азиздир инсон", деган эзгу ғоянинг тилга олиниши фаолиятимиздаги мезонларнинг нечоғлик аҳамиятли эканлигини белгилаб берди. Дарҳақиқат, 2009 йил 13 апрелдаги Ўзбекистон Республикаси Президентининг "Она ва бола саломатлигини муҳофаза қилиш ҳамда соғлом авлодни шакллантиришнинг қўшимча чора-тадбирлари тўғрисида"ги ПҚ-1096-сонли ҳамда жорий йилнинг 1 июлдаги ПҚ-1144-сонли "2009-2013 йилларда аҳолининг репродуктив саломатлигини мустаҳкамлаш, соғлом бола туғилиши, жисмоний ва маънавий баркамол авлодни вояга етказиш борасидаги ишларни янада кучайтириш ва самарадорлигини ошириш чора-тадбирлари дастури тўғрисида"ги Қарорларининг қабул қилиниши соҳа фаолиятини янада шакллантириб, аҳолига кўрсатилаётган сифатли тиббий хизмат даражасини оширишга катта имкон яратди.
Ўзбекистон Республикаси Соғлиқни сақлаш вазирлиги, "Саломатлик-1-2" ва "Аёллар ва болалар соғлигини мустаҳкамлаш" лойиҳалари борасида ҳам қишлоқдаги тиббий муассасаларни қайта қуриш ва аҳоли саломатлигини тиклаш ҳамда болаларнинг жисмоний ривожланишига баҳо бериш, она-бола саломатлигини яхшилаш ишларига катта эътибор қаратиб келинмоқда.
Бу борада Соғлиқни сақлаш вазирлигининг буйруғи ишлаб чиқилиб, бирламчи тиббиёт бўғинидаги барча қишлоқ врачлик пунктларига амалий ёрдам кўрсатиш мақсадида республикадаги ихтисослаштирилган марказлар, илмий-текшириш институтлари, олий ўқув юртларининг ўқитувчи-профессорлари бириктирилди ва бу борада самарали ютуқлар қўлга киритилди. Шу жумладан, Тошкент тиббиёт академияси Урганч филиалида юқоридаги қарорларнинг бажарилиши юзасидан ҳозиргача анча ишлар амалга оширилди.
Страница
1 - 1 дан 2
Бош | Олдинги. |
1
2
|
Кейинги. |
Охири