Ўзбекистон Республикаси Соғлиқни сақлаш вазирлиги

O’ZBEKISTON RESPUBLIKASI SOG’LIQNI SAQLASH VAZIRLIGI

BUYRUG’I

2010 йил “31” 05

№161

Тошкент ш.

Ўзбекистон Республикаси Соғлиқни сақлаш вазирлиги тизимидаги даволаш-профилактика муассасаларида аҳолига пуллик тиббий хизмат кўрсатиш тўғрисидаги

Низомни тасдиқлаш ҳақида

Ўзбекистон Республикасининг “Фуқаролар соғлиғини сақлаш тўғрисида”ги ва “Истеъмолчилар ҳуқуқларини ҳимоя қилиш тўғрисида”ги Қонунлари ижросини таъминлаш мақсадида

Буюраман:

1. Ўзбекистон Республикаси Соғлиқни сақлаш вазирлиги тизимидаги даволаш-профилактика муассасаларида аҳолига пуллик тиббий хизмат кўрсатиш тўғрисидаги Низом иловага мувофиқ тасдиқлансин.

2. Қорақалпоғистон Республикаси Соғлиқни сақлаш вазири, вилоятлар ва Тошкент шаҳар соғлиқни сақлаш Бошқармалари бошлиқларига:

2.1. Ҳудудлардаги даволаш-профилактика муассасаларида пуллик тиббий хизматларни ташкил этиш ушбу буйруқнинг иловаси билан тасдиқланган Низом асосида ташкиллаштирилсин.

3. Соғлиқни сақлаш вазирлигининг Хусусийлаштириш ва пуллик хизматни ташкил этиш маркази директори (А.Агзамов):

3.1. Мазкур буйруқ билан тасдиқланган Низом талабларининг барча даволаш-профилактика муассасаларида бажарилиши доимий мониторингини таъминласин.

4. Мазкур буйруқ қабул қилиниши муносабати билан Соғлиқни сақлаш вазирлигининг 2000 йил 6 апрелдаги 158-сонли ва 2002 йил 2 апрелдаги 140-сонли буйруқлари ўз кучини йўқотган деб ҳисоблансин.

5. Ушбу буйруқнинг ижро назорати вазирнинг биринчи ўринбосари А.В.Алимов зиммасига юклатилсин.

Вазир                                                             А.И.Икрамов