Ўзбекистон Республикаси Соғлиқни сақлаш вазирлиги

Наркологик беморлар диагностикаси, даволаш ва тиббий-ижтимоий реабилитацияси стандартларини тасдиқлаш тўғрисида

Ўзбекистон Республикаси Президентининг 2007 йил 2 октябрдаги “Республика тиббиёт муассасалари фаолиятини ташкил этишни такомиллаштириш чора-тадбирлари тўғрисида”ги ПҚ-700-сонли қарорининг ижросини таъминлаш, замонавий тиббиёт технологиялари ва дори воситалари ишлаб чиқариш такомиллашувини инобатга олган ҳолда наркологик беморлар диагностикаси, даволаш ва тиббий-ижтимоий реабилитацияси стандартларини тасдиқлаш ҳамда аҳолига кўрсатилаётган тиббий хизмат сифатини ошириш мақсадида

БУЮРАМАН

1. Наркологик беморлар диагностикаси, даволаш ва тиббий-ижтимоий реабилитацияси стандартлари иловага мувофиқ тасдиқлансин.
2. Вазирликнинг Даволаш-профилактика ёрдамини ташкиллаштириш Бош бошқармаси бошлиғи Д.Миразимов, Тошкент врачлар малака ошириш институти наркология ва ўсмирлар психопатологияси кафедраси мудири, Соғлиқни сақлаш вазирлигининг бош наркологи Л.Турсунходжаева:

мазкур буйруқ билан тасдиқланган стандартлар тегишли даволаш-профилактика муассасаларига етказилишини таъминлаб, амалиётда фойдаланилиши устидан доимий мониторинг олиб борсинлар;

тиббий технологиялар ва дори воситаларни ишлаб чиқариш такомиллашувини инобатга олган ҳолда иловада тасдиқланган стандартлар ҳар 2 йилда қайта кўриб чиқиб, такомиллаштириш тадбирларини олиб борсинлар.

3. Қорақалпоғистон Республикаси Соғлиқни сақлаш вазири, Тошкент шаҳар ва вилоятлар Соғлиқни сақлаш бошқармалари бошлиқлари ҳамда тизимдаги тиббиёт олий ўқув юртлари, республика тасарруфидаги даволаш-профилактика муассасалари раҳбарлари зиммасига иловада тасдиқланган стандартлар тегишли даволаш-профилактика муассасаларида тадбиқ этилишини таъминлаш вазифаси юклатилсин.
4. Вазирликнинг Назорат инспекцияси бошлиғи А.Содиқовга Назорат инспекциясининг режали ва режадан ташқари текширишларда иловада тасдиқланган стандартлар тиббиёт амалиётига тадбиқ қилиниши устидан назорат ўрнатиш топширилсин.
5. Мазкур буйруқ чиқарилиши муносабати билан Соғлиқни сақлаш вазирлигининг 2011 йил 14 ноябрдаги 310-сонли буйруқ 2 иловаси ўз кучини йўқотган деб ҳисоблансин.
6. Мазкур буйруқ ижросини назорат қилиш вазирнинг биринчи ўринбосари А.Худаяров зиммасига юклатилсин.

В а з и р А. Алимов