Вирусологик лабораторияси
Ўзбекистон Республикаси Соғлиқни сақлаш Вазирлиги Давлат санитария эпидемиология назорат Маркази вирусология лабораторияси аввало Қорақолпоғистон Республикаси, вилоятлар ва Тошкент шаҳри Давлат санитария эпидемиология назорат Маркази вирусологик лабораториялари учун ташкилий-услубий марказ ҳисобланади. ЎзР ССВ РесДСЭНМ вирусологик лабораторияси ходимлари ҳудудлардаги вирусологик лабораториялар ишига маслахат беради. Шу лаборатория базасида бутун республика регионларидаги вирусологлар учун ишчи ўрнида ўқиш ташкил этиляпти. Шу билан биргаликда, бу ерда республика ҳудудлари вирусологик лабораторияларининг иш ҳисоботлари йиғилиб умулаштириляпти ва иш режалари фиқрлашиб олиняпти.
Шу билан биргаликда, ЎзР ССВ РесДСЭНМ вирусологик лабораториясида бир неча лаборатор текширувлар ҳам ўтказиляпти:
- Республиканинг ҳамма регионларидан қизамиқ ва қизилчага гумон қилинганлардан олиб келинган қон зардобларини иммунофермент усули билан шу инфекцияларга текширилиб ташхис қўйиляпти.
- Республикамизнинг ҳамма маъмурий ҳудудларидан ўткир бўшашган фалажлик (ЎБФ) белгилари бўлган беморлардан олинган намуналарга шол ва бошқа энтеровирусларга текширувлар ўтказиляпти.
- Грипп вирусларига полимераза занжир реакцияси (ПЗР) усули ёрдамида текширувлар ўтказиляпти.
Республика Давлат санитария-эпидемиология назорати маркази вирусологик лабораторияси мутахассислари 2014 йил бошидан қуйидаги респиратор вирусларга: риновирус, респиратор-синтициал вирус, метапневмовирус, аденовирус, бокавирус, коронавирус, парагрипп вирусларининг I, II, III ва IV типларини полимераза занжир реакцияси (ПЗР) усулида текширишни йўлга қўйдилар. Бу текширувлар ўткир респиратор касаллиги билан оғриганлардан олинган намуналарнинг гриппга манфий натижа берганлари билан олиб борилади.
Барча респиратор вируслар орасида грипп вируси хавфлироқ бўлсада, бошқа респиратор вирусларга текширувлар аҳоли орасида ЎРИ кўтарилишида қайси вирус сабабчи бўлганлигини аниқлаб беради.
Фойдаланиладиган терминлар
- Иммунофермент текширув (қисқача ИФА, ёки ELISA – enzyme-linked immunosorbent assay) – бу “антиген+антитело” комплексини топишга асосланган ҳар хил бирикма, бактерия, вирус, макромолекулаларнинг борлик ва миқдорлигини аниқлаш учун лаборатор иммунологик усулдир. Ҳосил бўлган “антиген+антитело” комплекси махсус фермент ёрдамида аниқланади.
- Ўткир бўшашган фалажлик (ЎБФ) – бу синдром, кўпгина касалликларда бўлади. Жахон соғлиқни сақлаш ташкилоти (ЖССТ) билан стандарт таърифлашга биноан ўткир бўшашган фалажлик (ОВП) – бу 15 ёшгача бўлган болаларда тўсатдан тананинг турли қисмларида харакатнинг сусайиши ва йўқотилиши ёки хар хил ёшдаги инсонларда шифокор томонидан шолга гумон қиладиган паралич. Шол касаллиги вируси, бошқа вируслар, марказий нерв системасининг шикастланиши билан касалликлар (Гийена-Барре синдроми, миелит, посттравматик неврит ва бошқалар) – бу ЎБФ холатига сабаб бўлиши мумкин. ЎБФ холати билан хар бир бемор РесДСЭНМ вирусологик лабораториясида шол касаллигига албатта текширилиши шарт.
- Шол касаллиги – бу юқумли вирусли касаллик бўлиб хар хил клиник шаклларда – симптомсиз холатдан паралитик холатгача учрайди. Паралитик шаклда шол касаллиги вируси бош ва орқа мия харакат нейронларини зарарлайди, бу суст ва бўшашган фалажлик кўринишида бўлади. Касаллик манбаи ва тарқатувчиси касал ёки касалликни ташувчи одам ҳисобланади. Юқиш йўллари – сув, озиқ-овқат махсулотлари, маиший шароит, кам холларда хаво-томчи ва хаво-чанг орқали юқади. Инфекция қўзғатувчи – шол вируси, энтеровируслар оиласига қиради
- ПЗР (полимераза занжир реакцияси) - бу юқори технологик бўлган лаборатор текширувлар усули. Шу усул бир неча соат мобайнида специфик ДНК қисми аниқлашга ёрдам беради. У табиатда тирик организмларда бўлган лаборатор шароитларда ДНК репликациясининг жараёни такрорланишида асосланди. Вирусологияда тайинли вируснинг ўзига хос ДНК қисмининг аниқлаши шу вируснинг текширилган намунасида борлиги хақида далолат беради.
Ўзбекистон Республикаси санитария-эпидемиология хизмати вирусология лабораторияларида ўтказиладиган лаборатория текширув усулларини такомиллаштириш.
Санитария-эпидемиология масалаларида ахолини хотиржамлигини таъминлаш Ўзбекистон Республикаси санитария-эпидемиология хизматини мухим вазифаси хисобланади.
Ўзбекистон Республикасида биринчи вирусология лабораторияси 1955 йилда Республика санитария-эпидемиология станциясида ташкил қилинган.
1961йилда вирусология лабораторияси асосида Эпидемиология, микробиология ва юқумли касалликлар Институти, 5 та лабораториядан иборат вирусология бўлими ташкил қилинган.
Ўша даврда худудий СЭС лар қошида 90 бирлик врач вирусолог штатида вирусология лабораториялари ташкил қилинган. Вирусология лабораторияси иш фаолиятида ўша даврга хос лаборатория текширув усулларидан фойдаланган, жумладан, нейтралланиш реакцияси (РН), билвосита ва бевосита гемаглютинация реакцияси (РНГА,РПГА), тормозланган гемаглютинация реакцияси (РТГА) билвосита гемаглютинация қайтариш реакцияси (РОПГА), Комплиментни бириктириш реакцияси (КБР), флюоресценциялайдиган антителолар усули, лаборатория хайвонлари, хужайра культураси ва товуқ эмбрионида ўтказиладиган вирусологик текширувлар. Хозирги кунда кўпгина юқорида кўрсатилган текширув усуллари эскирган бўлиб лабораторияларда фойдаланилмаяпти.
Ўзбекистон Республикаси 1991 йилда дунё сиёсий оламида мустақил давлат сифатида тан олинди.
Мустақиллик натижасида Ўзбекистон Республикаси Жахон соғлиқни сақлаш ташкилоти ва бошқа ахоли саломатлигини химоя қилувчи халқаро ташкилотлар билан самарали хамкорликда ишлашга эришди.
Халқаро муносабатларни ривожланиши сабабли, юқумли касалликларга қарши курашишда бошқа давлатлар тажрибаларини ўрганиш, лаборатория диагностикаси сохасидаги янгиликларни олиш бинобарин, давлатимиз соғлиқни сақлаш тизимига тадбиқ қилиш имконияти пайдо бўлди.
Ўтган асрнинг 90- йилларида вирусология лабораторияларига иммунофермент усули жорий қилинди ва текширувлар ўтказиш учун янги лаборатор жихозлар сотиб олинди.
Бу текширув усули сезувчанлиги ва специфик хсусиятларини юқорилиги, соддалиги, ва тезкорлиги сабабли деярли барча серологик текширувларни ўрнини эгаллади.
Ўзбекистон Республикаси санитария-эпидемиология хизмати вирусология лабораториялари 2011 йилдан ИФА амалиёти учун лаборатор жихозлар тўплами янгиланди. Охирги русумдаги иммунофермент анализаторлар сотиб олинди.
Ўзбекистон Республикаси ДСЭНМ вирусология лабораторияларини ИФА усули ўтказиш анжомларини янгиланиши текширувлар сонини 2012 йилда 318389та (2011 йилдан 118% ) ва 2013 йил 369978та ( 2012 йилдан 116,2%) га ошишига эришилди . Ўтган 2014 йилда республикамиз ДСЭНМ лар вирусология лабораторияларида 402141та текширувлар ўтказилиб, бу охирги 10 йил ичида энг юқори кўрсатгич хисобланади.
Ўзбекистон Республикасига 2008 йилда полимераза занжирли реакцияси текширувлари учун (ПЗР) 5 талаборатор жихозлар тўплами олинди. Бу тўпламлар 5та вилоят ДСЭНМ ларига: Андижон, Самарқанд, Сурхандарё, Фарғона ва Хоразм вирусология лабораторияларига тақсимланди. Юқорида кўрсатилган вилоятлар вирусология лабораторияларида капитал таъмирлаш ва қайта қуриш ишлари халқаро стандарт талаблари асосида ўтказилди, лаборатория ходимларига ПЗР усулини амалга ошириш бўйича ўқув семинарлари ўтказилди.
ПЗР лабораторияларидан фойдаланиш аввалида ташхисот мақсадида: вирусли гепатитлар, грипп, птичий грипп, пандемик грипп А(Н1N1) каби касалликларни молекуляр даражада аниқлашга имкон берилди.
Зарур холатларда бу лабораториялар қўшни вилоятлардан келган намуналарни лаборатор текширувларини тез ва сифатли ўтказилишига ёрдам беради.
Республика ДСЭНМ вирусология лабораториясига 2009 йилда ПЗР текширувлари учун лаборатор жихозлар тўплами олинди.
Ўзбекистон Республикасида 2008 йилгача грипп ташхисоти вирусологик (товуқ эмбриони ва люминесцент микроскопда) ва серологик (РПГА, РТГА) усулларда ўтказилган.
Товуқ эмбрионида ўтказиладиган вирусологик текширувларни камчилиги текширув учун материаллар нархини юқорилиги, нисбатан узоқ давом этиши, лаборатория ходимларини лаборатория ичи шароитида инфекция юқтириб олиш хавфи юқорилиги, хамда амалиётнинг сезувчанлиги юқори эмаслиги.
Люминесцент микроскопия - тезкор текширув усули бўлиб, салбий томони махсус люминесцент зардоблар чегараланган хажмда, чет давлатларда, юқори нархларда ишлаб чиқарилади.
Грипп касаллигига серологик текширув усуллари бирмунча арзон, фойдаланиш учун соддароқ, лекин тахлиллар учун жуфт зардоблар керак бўлади, қон зардоблари грипп ташхиси қўйилган беморлардан касалликнинг бошланғич даврида ва клиник белгилар бошлангандан 2 хафта ўтгандан сўнг олинади.
Грипп касаллигида ПЗР текширувлари – бу юқори самарали нафақат тез, балки бир неча соатда диагнозни тасдиқлаш ва ўзгартириш имконини беради ва грипп ташхисотида энг сезгир усул хисобланади.
Ўзбекистон Республикаси санитария-эпидемиология хизмати вирусология лабораториялари йиллик хисоботларини тахлил қилинганда, 2008 йилда республикада товуқ эмбриони ёрдамида 100 киши текширилган, 2 та мусбат натижа олинган (2%) люминесцент микроскоп ёрдамида 1667 киши текширилган, 77 та мусбат натижа аниқланган (4,6%); серологик усуллар ёрдамида 7773 та гриппга гумон қилинган беморлар текширилган бўлиб, 618 та (7,95%) мусбат натижа олинган, 2013 йилда эса республикада ПЗР усули бўйича 367 киши текширилган, 118та (32,2%) мусбат натижа олинган.
ПЗР текширувларини ўтказиш грипп ва бошқа респиратор вирусларни ахоли орасида айланиб юришини кузатиш ва ўрганиш, эпидемик тус олган ўта юқумли вирусларни ўз вақтида аниқлаш имконини беради.
Шу билан бирга бу вирусология лабораториялари нафақат патоген омилни аниқлаш, балки вирусли гепатит В ва С беморларида инфекцион жараён кечишини бахолаш, шунингдек беморларни даволаш учун йўналиш бериш имкониятига эга.