ru uz
Бўйин терисини парваришлаймиз

Ўта майин ва юпқа тузилган бўйин терисидаги ажинларнинг сабабчиси ўзимиз! Қаддимизни тик тутиб юрмаслигимиз, кам суюқлик ичишимиз ва яна бошқа қатор омиллар борки, ушбу соҳа терисини эрта қаритади. Хўш, бу жараёнга таъсир кўрсатиш мумкинми, сизнингча?

Баланд ёстиқда ухламанг!

Иш кунидан сўнг толиқасиз. Бошқа тана аъзолари каби бўйинга ҳам юклама тушади. Баланд ёстиқда ухлашни ёқтирсангиз билингки, бўйин терисидаги йўл-йўл излар сизни узоқ куттирмайди.

Ором олаётганда бош танадан атиги бир неча сантиметр баланд турса кифоя. Шу боис ортопедик, қаттиқ ёстиқлардан фойдаланинг. Ёки умуман ёстиқсиз ухлашга ҳаракат қилиб кўринг.

Либосингиз бичими қандай?

Тикка ёқали кийимларни ёқтирсангиз, шарфдан тез-тез фойдаланиб турсангиз, табиий матоли либос ёки аксессуарларга мурожаат қилинг. Бўйин сунъий териси мато билан беркитилганида, тери нафас ололмайди.

Молочкодан фойдаланасизми?

Ҳар тонг бўйин терисини илиқ сувда чайиб, молочко ёки лосьон билан артиб боринг. Юз учун скрабларни бўйин териси парваришига ҳам ишлатишингиз мумкин.

Уқалаймиз!

Ҳафтада икки марта терини озиқлантирувчи крем ёрдамида бўйин соҳасини уқаланг. Бармоқ учида енгил бажарилган уқалаш ҳаракатлари, терида қон айланишини фаоллаштиради.

Бир, юқорига қараймиз, икки..

Иш орасида бўйин териси учун фойдали бўлган машқни бажаринг. Бошингизни ортга ташлаб, бўйин - мушакларини тортилишига қўйиб беринг. Сўнг бошни ён тарафга, олдинга ҳаракатлантиринг.

 

Орқага Чоп этиш