Баъзида инсон қанчалик олға интилмасин, иши ортга кетиб, омадсизликка учрайди. AdMe.ru нашри қийин вазиятлардан чиқиб кетишнинг бир неча усулларини сизга тавсия этади, асосийси тўхтаб қолмай, ҳаммасини янгидан бошлаш лозим.

1. Шароитни ўзгартиринг. Баъзан ўзингизга мутлақо нотаниш, бегона жойда бўлиш ҳам ҳаётга бошқача назар ташлашингизга сабаб бўлади. Ким билади дейсиз, балки бу нарса бирор муаммони ҳал қилишда қўл келар? 

2. Спорт билан шуғулланинг. Озгина “яқин масофага югуриш” ҳам инсоннинг ўзига нисбатан ишончини оширади. Бекорга халқимиз “Соғлом танда — соғ ақл” демаган.

3. Кераксиз, эски буюмлардан воз кечинг. Уйингиз кенгаядиган бўлса, ўйлаш ҳам, нафас олиш ҳам енгиллашади.

4.Янги танишлар орттириш. Атрофимиздаги одамлар фикрлашимизга таъсир қилади. Ёқимли, ўзгача фикрлайдиган одам билан танишиш фойдадан холи бўлмайди.

5. Бирор кун “бекорчилик” билан шуғулланиб, ўзингизга дам беринг. Баъзи-баъзида ишни йиғиштириб, уйда дам олишга ҳаракат қилинг. Бир кун дам олганингизда ҳеч нима ўзгармайди, балки хотиржам бўлиш ва ҳамма нарсани ўйлаб кўриш имконияти туғилади.

6. Ташқи қиёфангизни ўзгартиринг. Сочингизни бошқа рангга бўянг, соч турмагингизни, макияжингизни ўзгартиринг, либосларингизни янгиланг. Бу нарсалар ҳаётга бошқача кўз билан қарашингизга ёрдам беради. 

7. Маслаҳат сўрашдан тортинманг. Агар бирор муаммоли вазиятга тушиб қолсангиз, маслаҳат ва ёрдам сўрашдан уялманг. Бу масалада онангизга мурожаат қилганингиз маъқул, чунки оналар ҳар қандай вазиятда ҳам фарзандини тушунишга, қўллаб-қувватлашга ҳаракат қилади.

8. Тўғри овқатланишга ҳаракат қилинг. Инсон стрессга тушганда турли фаст-фудларга ружу қўяди, бундан соғлигингиз ёмонлашиши мумкин. Асабийлашган вақтингизда кўпроқ мева ва сабзавотларни истеъмол қилишга киришинг. Улар инсон кайфиятини кўтариш хусусиятига эга.

9. Бирор курсга ёзилинг. Янги ҳунар ўрганиш — янги имкониятлар калитидир. 

10. Чет тилини ўрганинг. Бу олам чексиз сиз унда яшовчи ягона инсон эмаслигингизни эслатишнинг энг яхши усулларидан биридир. Агар бирорта хитойча ёки инглизча сўзни ўрганишга қурбингиз етса, ҳали келажакдан умид қилсангиз бўлади.

11. Бир ой мобайнида бирор зарарли одатингиздан воз кечишга ҳаракат қилинг. Ҳамма нарсани бирдан ўзгартиришга интилманг, аста-секинлик билан амалга оширинг. Масалан, ярим тунгача интернетда ўтирмай, вақтлироқ ётишга ҳаракат қилинг. Бир ой мобайнида бунга кўниксангиз, кейинги ойдан бошқа бир ёмон одатдан қутулишга интилинг. 

12. Илгари қўрққан нарсангизни бажаришга ҳаракат қилиб кўринг. Кичкина ғалаба ҳам инсонга кўп нарса бериши мумкин. Қўрқувни енгиш ҳам инсоннинг ўз кучига ишонишига сабаб бўлади. 

13. Бошқаларни, ўзингизни, Коинотни кечиришга ҳаракат қилинг. Агар бизни хафа қилган қилган одамларни кечирадиган бўлсак, ўтмиш ортда қолади, у биз учун ўз аҳамиятини йўқотади. Демак, келажак сари қадам ташлашимиз, яшашимиз учун имкон пайдо бўлади.