Стоматитнинг қуйидаги кўринишлари бор:
- Оғиз шиллиқ қаватида ёки тилда айлана шаклдаги оч рангли бир ёки бир нечта ярачалар пайдо бўлиши, тиббий тилда афтоз стоматит дейилади.
- Герпеснинг лабларда тошиши ҳам стоматитларга киради
- Оғиз бўшлиғида яралар бўлмайди, лекин шиллиқ қават қизарган бўлади.
Стоматитнинг сабаблари:
- Вируслар, бактериялар, замбуруғлар. Масалан, ҳамма нарсани оғзига солишни яхши кўрувчи болаларда кўп учрайдиган стоматит (молочница).
- Масалан, тил ёки лунжни тишлаб олиш, иссиқ овқатдан оғизнинг куйиши.
- Аллергия ёки организмнинг бирор моддага ўта сезувчан бўлиши. Бунда аллерген ёки ўша модда таъсирида оғиз бўшлиғида яллиғланиш келиб чиқади.
- Милк касалликлари
- Аутоиммун касалликлар
- Масалан: антибиотиклар, гормонлар, химиотерапияда ишлатиладиган дорилар.
- Сифатсиз овқатланиш ва стресслар. Сифатсиз овқатланиш натижасида организмга керакли моддалар тушмайди. Стресслар эса организмнинг кучсизланишига олиб келади.
Стоматитни қандай даволаш керак?
Даволаш стоматитни келтириб чиқарган сабабига қараб ҳар хил бўлади. Биринчи навбатда оғриқсизлантириш мақсадида оғриққа қарши дорилар берилади. Масалан, парацетамол ёки ибупрофен. Дорилар албатта шифокор маслаҳати билан ва йўриқномаси яхшилаб ўрганиб чиқилгандан сўнг қабул қилиниши кераклигини эсдан чиқармаслик керак.
Дорилардан ташқари, музқаймоқ ҳам яхшигина оғриқсизлантирувчи хусусиятга эга.
Унинг муздайлиги, юмшоқлиги ва ширин таъми оғиз бўшлиғидаги оғриқни камайтиради.
Дорихоналарда таркибида лидокаин тутувчи турли хил оғриқсизлантирувчи гелларни топиш мумкин. Лекин бундай воситаларни ўта эҳтиёт бўлиб ишлатиш керак. Чунки лидокаиннинг ортиқча дозаси юрак ритмининг бузилишига ва тутқаноқларга олиб келиши мумкин. Болаларга эса умуман ишлатмаган маъқул. Стоматит билан оғриган вақтда парҳезни ҳам эсда тутиш лозим, бунда аччиқ, шўр, иссиқ овқат ёки ичимликлардан сақланиш керак.
Шифокорга қачон мурожаат қилиш керак?
Бир ёки икки дона ярача кўринишидаги бироз ёқимсиз сезги билан кечаётган стоматит одатда узоғи билан икки ҳафтада ҳеч қандай аралашувсиз ўтиб кетади. Лекин бундай ҳол сизда тез-тез кузатила бошласа ва тузалиши узоққа чўзилиб кетса, шифокорга мурожаат қилишингиз керак. Шифокор касалликнинг сабабини аниқлаб, керакли чораларни кўради.
Манба: «Zdorovie.com»
-
Тошкент ш.,Мустакиллик к, 75
-
+998 (91) 162-13-30
-
fax
-
info@mednetsoft.uz
-
Мактуб жўнатиш шакли
-
-
Ижтимоий тармокларда бўлишиш
Умумий: 1190475Барча сахифа:6855097Ой мобайнида7160
Барча ҳуқуқлар ҳимояланган.
Сайтдаги барча маълумотлар Ўзбекистон Республикаси қонунчилиги, шунингдек муаллифлик ҳуқуқи ва бошқа қонунларга мувофиқ ҳимояланади.
Ушбу сайт Ўзбекистон Республикасининг ягона тиббий ахборот портали www.med.uz тармоғига киради.
Сайт яратувчиси: Mednetsoft